अध्याय 42: नारद का वर: राम नाम सब नामों से बड़ा

सुनहु उदार परम रघुनायक । सुन्दर अगम सुगम बर-दायक ॥
देहु एक बर माँगउँ स्वामी । जद्यपि जानत अन्तरजामी ॥

sunahu udāra parama raghunāyaka | sundara agama sugama bara-dāyaka ||
dehu eka bara mām̐gaum̐ svāmī | jadyapi jānata antarajāmī ||

जानहु मुनि तुम्ह मोर सुभाऊ । जन सन कबहुँ कि करउँ दुराऊ ॥
कवन बस्तु असि प्रिय मोहि लागी । जो मुनिबर न सकहु तुम्ह मागी ॥

jānahu muni tumha mora subhāū | jana sana kabahum̐ ki karaum̐ durāū ||
kavana bastu asi priya mohi lāgī | jo munibara na sakahu tumha māgī ||

जन कहँ कछु अदेय नहिं मोरें । अस बिस्वास तजहु जनि भोरें ॥
तब नारद बोले हरषाई । अस बर माँगउँ करउँ ढिठाई ॥

jana kaham̐ kachu adeya nahiṃ moreṃ | asa bisvāsa tajahu jani bhoreṃ ||
taba nārada bole haraṣāī | asa bara mām̐gaum̐ karaum̐ ḍhiṭhāī ||

जद्यपि प्रभु के नाम अनेका । श्रुति कह अधिक एक तेँ एका ॥
राम सकल नामन्ह ते अधिका । होउ नाथ अघ-खग-गन-बधिका ॥

jadyapi prabhu ke nāma anekā | śruti kaha adhika eka tem̐ ekā ||
rāma sakala nāmanha te adhikā | hou nātha agha-khaga-gana-badhikā ||