अध्याय 41: विरही श्रीराम के पास नारद का आना

देखि राम अति रुचिर तलावा । मज्जन कीन्ह परम सुख पावा ॥
देखी सुन्दर तरुबर छाया । बैठे अनुज सहित रघुराया ॥

dekhi rāma ati rucira talāvā | majjana kīnha parama sukha pāvā ||
dekhī sundara tarubara chāyā | baiṭhe anuja sahita raghurāyā ||

तहँ पुनि सकल देव मुनि आये । अस्तुति करि निज धाम सिधाये ॥
बैठे परम प्रसन्न कृपाला । कहत अनुज सन कथा रसाला ॥

taham̐ puni sakala deva muni āye | astuti kari nija dhāma sidhāye ||
baiṭhe parama prasanna kṛpālā | kahata anuja sana kathā rasālā ||

बिरहवन्त भगवंतहि देखी । नारद मन भा सोच बिसेखी ॥
भार साप करि अङ्गीकारा । सहत राम नाना दुख भारा ॥

birahavanta bhagavaṃtahi dekhī | nārada mana bhā soca bisekhī ||
bhāra sāpa kari aṅgīkārā | sahata rāma nānā dukha bhārā ||

ऐसे प्रभुहि बिलोकउँ जाई । पुनि न बनिहि अस अवसर आई ॥
यह बिचारि नारद कर बीना । गये जहाँ प्रभु सुख आसीना ॥

aise prabhuhi bilokaum̐ jāī | puni na banihi asa avasara āī ||
yaha bicāri nārada kara bīnā | gaye jahām̐ prabhu sukha āsīnā ||

गावत राम चरित मृदु बानी । प्रेम सहित बहु भाँति बखानी ॥
करत दंडवत लिये उठाई । राखे बहुत बार उर लाई ॥

gāvata rāma carita mṛdu bānī | prema sahita bahu bhām̐ti bakhānī ||
karata daṃḍavata liye uṭhāī | rākhe bahuta bāra ura lāī ||

स्वागत पूँछि निकट बैठारे । लछिमन सादर चरन पखारे ॥

svāgata pūm̐chi nikaṭa baiṭhāre | lachimana sādara carana pakhāre ||