अध्याय 35: श्रीराम शबरी से कहते हैं, भक्ति ही नाता है

पानि जोरि आगें भइ ठाढ़ी । प्रभुहि बिलोकि प्रीति अति बाढ़ी ॥
केहि बिधि अस्तुति करउँ तुम्हारी । अधम जाति मैं जड़मति भारी ॥

pāni jori āgeṃ bhai ṭhār̤hī | prabhuhi biloki prīti ati bār̤hī ||
kehi bidhi astuti karaum̐ tumhārī | adhama jāti maiṃ jar̤amati bhārī ||

अधम तें अधम अधम अति नारी । तिन्ह महँ मैं मतिमन्द अघारी ॥
कह रघुपति सुनु भामिनि बाता । मानउँ एक भगति कर नाता ॥

adhama teṃ adhama adhama ati nārī | tinha maham̐ maiṃ matimanda aghārī ||
kaha raghupati sunu bhāmini bātā | mānaum̐ eka bhagati kara nātā ||

जाति पाँति कुल धर्म बड़ाई । धन बल परिजन गुन चतुराई ॥
भगति हीन नर सोहइ कैसा । बिनु जल बारिद देखिय जैसा ॥

jāti pām̐ti kula dharma bar̤āī | dhana bala parijana guna caturāī ||
bhagati hīna nara sohai kaisā | binu jala bārida dekhiya jaisā ||

नवधा भगति कहउँ तोहि पाहीँ । सावधान सुनु धरु मन माहीं ॥
प्रथम भगति सन्तन्ह कर सङ्गा । दूसरि रति मम कथा प्रसङ्गा ॥

navadhā bhagati kahaum̐ tohi pāhīm̐ | sāvadhāna sunu dharu mana māhīṃ ||
prathama bhagati santanha kara saṅgā | dūsari rati mama kathā prasaṅgā ||