अध्याय 34: श्रीराम शबरी के आश्रम में

सापत ताड़त परुष कहन्ता । विप्र पूज्य अस गावहिं सन्ता ॥
पूजिअ बिप्र सील गुन हीना । सूद्र न गुन गन ज्ञान प्रबीना ॥

sāpata tār̤ata paruṣa kahantā | vipra pūjya asa gāvahiṃ santā ||
pūjia bipra sīla guna hīnā | sūdra na guna gana jñāna prabīnā ||

कहि निज धर्म ताहि समुझावा । निज पद प्रीति देखि मन भावा ॥
रघुपति चरन कमल सिरु नाई । गयउ गगन आपनि गति पाई ॥

kahi nija dharma tāhi samujhāvā | nija pada prīti dekhi mana bhāvā ||
raghupati carana kamala siru nāī | gayau gagana āpani gati pāī ||

ताहि देई गति राम उदारा । सबरी कें आस्त्रम पग धारा ॥
सबरी देखि राम गृहँ आये । मुनि के बचन समुझि जियँ भाये ॥

tāhi deī gati rāma udārā | sabarī keṃ āstrama paga dhārā ||
sabarī dekhi rāma gṛham̐ āye | muni ke bacana samujhi jiyam̐ bhāye ||

सरसिज लोचन बाहु विसाला । जटा मुकुट सिर उर बनमाला ॥
स्याम गौर सुन्दर दोउ भाई । सबरी परी चरन लपटाई ॥

sarasija locana bāhu visālā | jaṭā mukuṭa sira ura banamālā ||
syāma gaura sundara dou bhāī | sabarī parī carana lapaṭāī ||

प्रेम मगन मुख बचन न आवा । पुनि पुनि पद सरोज सिर नावा ॥
सादर जल लेइ चरन पखारे । पुनि सुन्दर आसन बैठारे ॥

prema magana mukha bacana na āvā | puni puni pada saroja sira nāvā ||
sādara jala lei carana pakhāre | puni sundara āsana baiṭhāre ||