अध्याय 3: चित्रकूट छोड़ श्रीराम अत्रि के आश्रम पहुँचे

रघुपति चित्रकूट मसि नाना । चरित किये श्रुति सुधा समाना ॥
बहुरि राम अस मन अनुमाना । होइहि भीर सबहिँ मोहि जाना ॥

raghupati citrakūṭa masi nānā | carita kiye śruti sudhā samānā ||
bahuri rāma asa mana anumānā | hoihi bhīra sabahim̐ mohi jānā ||

सकल मुनिन्ह सन बिदा कराई । सीता सहित चले दोउ भाई ॥
अत्रि के आस्रम जब प्रभु गयऊ । सुनत महामुनि हरषित भयऊ ॥

sakala muninha sana bidā karāī | sītā sahita cale dou bhāī ||
atri ke āsrama jaba prabhu gayaū | sunata mahāmuni haraṣita bhayaū ||

पुलकित गात अत्रि उठि धाये । देखि राम आतुर चलि आये ॥
करत दंडवत मुनि उर लाये । प्रेम-बारि दोउ जन अन्हवाये ॥

pulakita gāta atri uṭhi dhāye | dekhi rāma ātura cali āye ||
karata daṃḍavata muni ura lāye | prema-bāri dou jana anhavāye ||

देखि राम छबि नयन जुड़ाने । सादर निज-आश्रम तब आने ॥
करि पूजा कहि बचन सुहाये । दिये मूल फल प्रभु मन भाये ॥

dekhi rāma chabi nayana jur̤āne | sādara nija-āśrama taba āne ||
kari pūjā kahi bacana suhāye | diye mūla phala prabhu mana bhāye ||