अध्याय 66: व्यास और गान्धारी सभा में बुलाए जाते हैं

दुर्योधने धार्तराष्ट्रे तद्वचो नाभिनन्दति ।
तूष्णींभूतेषु सर्वेषु समुत्तस्थुर्नरर्षभाः

duryodhane dhārtarāṣṭre tadvaco nābhinandati |
tūṣṇīṃbhūteṣu sarveṣu samuttasthurnararṣabhāḥ

उत्थितेषु महाराज पृथिव्यां सर्वराजसु ।
रहिते सञ्जयं राजा परिप्रष्टुं प्रचक्रमे

utthiteṣu mahārāja pṛthivyāṃ sarvarājasu |
rahite sañjayaṃ rājā paripraṣṭuṃ pracakrame

आशंसमानो विजयं तेषां पुत्रवशानुगः ।
आत्मनश्च परेषां च पाण्डवानां च निश्चयम्

āśaṃsamāno vijayaṃ teṣāṃ putravaśānugaḥ |
ātmanaśca pareṣāṃ ca pāṇḍavānāṃ ca niścayam

गावल्गणे ब्रूहि नः सारफल्गु
स्वेसनायं यावदिहास्ति किंचित् ।
त्वं पाण्डवानां निपुणं वेत्थ सर्वं
किमेषां ज्यायः किमु तेषां कनीयः

gāvalgaṇe brūhi naḥ sāraphalgu
svesanāyaṃ yāvadihāsti kiṃcit |
tvaṃ pāṇḍavānāṃ nipuṇaṃ vettha sarvaṃ
kimeṣāṃ jyāyaḥ kimu teṣāṃ kanīyaḥ

त्वमेतयोः सारवित्सर्वदर्शी
धर्मार्थयोर्निपुणो निश्चयज्ञः ।
स मे पृष्टः सञ्जय ब्रूहि सर्वं
युध्यमानाः कतरेऽस्मिन्न सन्ति

tvametayoḥ sāravitsarvadarśī
dharmārthayornipuṇo niścayajñaḥ |
sa me pṛṣṭaḥ sañjaya brūhi sarvaṃ
yudhyamānāḥ katare'sminna santi

न त्वां ब्रूयां रहिते जातु किंचि-
दसूया हि त्वां प्रविशेत राजन् ।
आनयस्व पितरं महाव्रतं
गान्धारीं च महिषीमाजमीढ

na tvāṃ brūyāṃ rahite jātu kiṃci-
dasūyā hi tvāṃ praviśeta rājan |
ānayasva pitaraṃ mahāvrataṃ
gāndhārīṃ ca mahiṣīmājamīḍha

तो तेऽसूयां विनयेतां नरेन्द्र
धर्मज्ञौ तौ निपुणौ निश्चयज्ञौ ।
तयोस्तु त्वां सन्निधौ तद्वदेयं
कृत्स्नं मतं केशवपार्थयोर्यत्

to te'sūyāṃ vinayetāṃ narendra
dharmajñau tau nipuṇau niścayajñau |
tayostu tvāṃ sannidhau tadvadeyaṃ
kṛtsnaṃ mataṃ keśavapārthayoryat

इत्युक्तेन च गान्धारी व्यासश्चात्राजगामह ।
आनीतौ विदुरेणेह सभां शीघ्रं प्रवेशितौ

ityuktena ca gāndhārī vyāsaścātrājagāmaha |
ānītau vidureṇeha sabhāṃ śīghraṃ praveśitau

ततस्तन्मतमाज्ञाय सञ्जयस्यात्मजस्य च ।
अभ्युपेत्य महाप्राज्ञः कृष्णद्वैपायनोऽब्रवीत्

tatastanmatamājñāya sañjayasyātmajasya ca |
abhyupetya mahāprājñaḥ kṛṣṇadvaipāyano'bravīt

संपृच्छते धृतराष्ट्रय सञ्जय
आचक्ष्व सर्वं यावदेषोऽनुयुङ्क्ते ।
सर्वं यावद्वेत्थ तस्मिन्यथाव-
द्याथातथ्यं वासुदेवेऽर्जुने च

saṃpṛcchate dhṛtarāṣṭraya sañjaya
ācakṣva sarvaṃ yāvadeṣo'nuyuṅkte |
sarvaṃ yāvadvettha tasminyathāva-
dyāthātathyaṃ vāsudeve'rjune ca