अध्याय 195: जापक नरक में कैसे गिरता है

गतीनामुत्तमा प्राप्तिः कथिता जापकेष्विह ।
एकैवैषा गतिस्तेषामुत यान्त्यपरामपि

gatīnāmuttamā prāptiḥ kathitā jāpakeṣviha |
ekaivaiṣā gatisteṣāmuta yāntyaparāmapi

शृणु वहितो राजञ्जापकानां गतिं विभो ।
यथा गच्छन्ति निरयमनेकं पुरुषर्षभ

śṛṇu vahito rājañjāpakānāṃ gatiṃ vibho |
yathā gacchanti nirayamanekaṃ puruṣarṣabha

यथोक्तमेतत्पूर्वं यो नानुतिष्ठति जापकः ॥
एकदेशक्रियश्चात्र निरयं स निगच्छति

yathoktametatpūrvaṃ yo nānutiṣṭhati jāpakaḥ ||
ekadeśakriyaścātra nirayaṃ sa nigacchati

अवमानेन कुरुते न तुष्यति न शोचति ।
ईदृशो जापको याति निरयं नात्र संशयः

avamānena kurute na tuṣyati na śocati |
īdṛśo jāpako yāti nirayaṃ nātra saṃśayaḥ

अहंकारकृतश्चैव सर्वे निरयग्रामिनः ।
परावमानी पुरुषो भविता निरयोपगः

ahaṃkārakṛtaścaiva sarve nirayagrāminaḥ |
parāvamānī puruṣo bhavitā nirayopagaḥ

अभिध्यापूर्वकं जप्यं कुरुते यश्च मोहितः ।
यत्रास्य रागः पतति तत्रतत्रोपपद्यते

abhidhyāpūrvakaṃ japyaṃ kurute yaśca mohitaḥ |
yatrāsya rāgaḥ patati tatratatropapadyate

अथैश्वर्यप्रसक्तः सञ्जापको यत्र रज्यते ।
स एव निरयस्तस्य नासौ तस्मात्प्रमुच्यते

athaiśvaryaprasaktaḥ sañjāpako yatra rajyate |
sa eva nirayastasya nāsau tasmātpramucyate

रागेण जापको जप्यं कुरुते यश्च मोहितः ।
यत्रास्य रागः पतति तत्र तत्रोपजायते

rāgeṇa jāpako japyaṃ kurute yaśca mohitaḥ |
yatrāsya rāgaḥ patati tatra tatropajāyate

दुर्बुद्धिरकृतप्रज्ञश्चले मनसि तिष्ठति ।
फलस्यापचितिं याति निरयं चाधिगच्छति

durbuddhirakṛtaprajñaścale manasi tiṣṭhati |
phalasyāpacitiṃ yāti nirayaṃ cādhigacchati

अकृतव्रज्ञको बालो मोहं गच्छति जापकः ।
स मोहान्निरयं याति यत्र गत्वाऽनुशोचति

akṛtavrajñako bālo mohaṃ gacchati jāpakaḥ |
sa mohānnirayaṃ yāti yatra gatvā'nuśocati

दृढग्राही करोमीति जाप्यं जपति जापकः ।
न संपूर्णो न वा युक्तो निरयं सोऽधिगच्छति

dṛḍhagrāhī karomīti jāpyaṃ japati jāpakaḥ |
na saṃpūrṇo na vā yukto nirayaṃ so'dhigacchati

अनिमित्तं परं यत्तदव्यक्तं ब्रह्मणि स्थितम् ।
तद्भूतो जापकः कस्मात्सशरीरमिहाविशेत्

animittaṃ paraṃ yattadavyaktaṃ brahmaṇi sthitam |
tadbhūto jāpakaḥ kasmātsaśarīramihāviśet

दुष्प्रज्ञानेन निरया बहवः समुदाहृताः ।
प्रशस्तं जापकत्वं च दोषाश्चैते तदात्मकाः

duṣprajñānena nirayā bahavaḥ samudāhṛtāḥ |
praśastaṃ jāpakatvaṃ ca doṣāścaite tadātmakāḥ