अध्याय 175: बृहस्पति अहिंसा को परम कल्याण बताते हैं

अहिंसा वैदिकं कर्म ध्यानमिन्द्रियसंयमः ।
तपोऽथ गुरुशुश्रूषा किं श्रेयः पुरुषं प्रति

ahiṃsā vaidikaṃ karma dhyānamindriyasaṃyamaḥ |
tapo'tha guruśuśrūṣā kiṃ śreyaḥ puruṣaṃ prati

सर्वाण्येतानि धर्मस्य पृथग्द्वाराणि नित्यशः ।
शृणु संकीर्त्यमानानि षडेव भरतर्षभ

sarvāṇyetāni dharmasya pṛthagdvārāṇi nityaśaḥ |
śṛṇu saṃkīrtyamānāni ṣaḍeva bharatarṣabha

हन्त निःश्रेयसं जन्तोरहं वक्ष्याम्यनुत्तमम् ।
अहिंसापाश्रयं धर्मं दान्तो विद्वान्समाचरेत्

hanta niḥśreyasaṃ jantorahaṃ vakṣyāmyanuttamam |
ahiṃsāpāśrayaṃ dharmaṃ dānto vidvānsamācaret

त्रिदण्डं सर्वभूतेषु निधाय पुरुषः शुचिः ।
कामक्रोधौ च संयम्य ततः सिद्धिमवाप्नुते

tridaṇḍaṃ sarvabhūteṣu nidhāya puruṣaḥ śuciḥ |
kāmakrodhau ca saṃyamya tataḥ siddhimavāpnute

अहिंसकानि भूतानि दण्डेन विनिहन्ति यः ।
आत्मनः सुखमन्विच्छन्स प्रेत्य न सुखी भवेत्

ahiṃsakāni bhūtāni daṇḍena vinihanti yaḥ |
ātmanaḥ sukhamanvicchansa pretya na sukhī bhavet

आत्मोपमस्तु भूतेषु यो वै भवति पूरुषः ।
त्यक्तदण्डो जितक्रोधः स प्रेत्य सुखमेधते

ātmopamastu bhūteṣu yo vai bhavati pūruṣaḥ |
tyaktadaṇḍo jitakrodhaḥ sa pretya sukhamedhate

सर्वभूतात्मभूतस्य सर्वभूतानि पश्यतः ।
देवाऽपि मार्गे मुह्यन्ति ह्यपदस्य पदेषिणः

sarvabhūtātmabhūtasya sarvabhūtāni paśyataḥ |
devā'pi mārge muhyanti hyapadasya padeṣiṇaḥ

न तत्परस्य संदध्यात्प्रतिकूलं यदात्मनः ।
एष संक्षेपतो धर्मः कामादन्यः प्रवर्तते

na tatparasya saṃdadhyātpratikūlaṃ yadātmanaḥ |
eṣa saṃkṣepato dharmaḥ kāmādanyaḥ pravartate

प्रख्यापने च दाने च सुखदुःखे प्रियाप्रिये ।
आत्मौपम्येन पुरुषः प्रमाणमधिगच्छति

prakhyāpane ca dāne ca sukhaduḥkhe priyāpriye |
ātmaupamyena puruṣaḥ pramāṇamadhigacchati

यथा परः प्रक्रमते परेषु
तथा परे प्रक्रमन्ते परस्मिन् ।
निषेवते स्वसमां जीवलोके
यथा धर्मो नैपुणेनोपदिष्टः ।

yathā paraḥ prakramate pareṣu
tathā pare prakramante parasmin |
niṣevate svasamāṃ jīvaloke
yathā dharmo naipuṇenopadiṣṭaḥ |

इत्युक्त्वा तं सुरगुरुधर्मराजं युधिष्ठिरम् ।
दिवामचक्रमे धीमान्पश्यतामेव नस्तदा

ityuktvā taṃ suragurudharmarājaṃ yudhiṣṭhiram |
divāmacakrame dhīmānpaśyatāmeva nastadā