अध्याय 153: इन्द्र मातलि को अपने वन्दनीय बताते हैं

केषां देवा महाभागाः सन्नमन्ते महात्मनाम् ।
लोकेऽस्मिंस्तनृषीन्सर्वञ्श्रोतुमिच्छामि सत्तम

keṣāṃ devā mahābhāgāḥ sannamante mahātmanām |
loke'smiṃstanṛṣīnsarvañśrotumicchāmi sattama

इतिहासमिमं विप्राः कीर्तयन्ति पुराविदः ।
अस्मिन्नर्थे महाप्राज्ञास्तं निबोध युधिष्ठिर

itihāsamimaṃ viprāḥ kīrtayanti purāvidaḥ |
asminnarthe mahāprājñāstaṃ nibodha yudhiṣṭhira

वृत्रं हत्वाऽप्युपावृत्तं त्रिदशानां पुरस्कृतम् ।
महेन्द्रमनुसम्प्राप्तं स्तूयमानं महर्षिभिः

vṛtraṃ hatvā'pyupāvṛttaṃ tridaśānāṃ puraskṛtam |
mahendramanusamprāptaṃ stūyamānaṃ maharṣibhiḥ

श्रिया परमया युक्तं रथस्थं हरिवाहनम् ।
मातलिः प्राञ्जलिर्भूत्वा देवमिन्द्रमुघाच ह

śriyā paramayā yuktaṃ rathasthaṃ harivāhanam |
mātaliḥ prāñjalirbhūtvā devamindramughāca ha

नमस्कृतानां सर्वेषां भगवंस्त्वं पुरस्कृतः ।
येषां लोके नमस्कुर्यात्तान्ब्रवीतु भवान्मम

namaskṛtānāṃ sarveṣāṃ bhagavaṃstvaṃ puraskṛtaḥ |
yeṣāṃ loke namaskuryāttānbravītu bhavānmama

तस्य तद्वचनं श्रुत्वा देवराजः शचीपतिः ।
यन्तारं परिपृच्छन्तं तमिन्द्रः प्रत्युवाच सः

tasya tadvacanaṃ śrutvā devarājaḥ śacīpatiḥ |
yantāraṃ paripṛcchantaṃ tamindraḥ pratyuvāca saḥ

धर्मं चार्थं च कामं च येषां चिन्तयतां मतिः ।
नाधर्मे वर्तते नित्यं तान्नमस्यामि मातले

dharmaṃ cārthaṃ ca kāmaṃ ca yeṣāṃ cintayatāṃ matiḥ |
nādharme vartate nityaṃ tānnamasyāmi mātale

ये रूपगुणसम्पन्नाः प्रमदाहृदयंगमाः ।
निवृत्ताः कामभोगेषु तान्नमस्यामि मातले

ye rūpaguṇasampannāḥ pramadāhṛdayaṃgamāḥ |
nivṛttāḥ kāmabhogeṣu tānnamasyāmi mātale

स्वेषु भोगेषु सन्तुष्टाः सुवाचो वचनक्षमाः ।
अमानकामाश्चार्घार्हास्तान्नमस्यामि मातले

sveṣu bhogeṣu santuṣṭāḥ suvāco vacanakṣamāḥ |
amānakāmāścārghārhāstānnamasyāmi mātale

धनं विद्यास्तथैश्वर्यं येषां न चलयेन्मतिम् ।
चलितां ये निगृह्णन्ति तान्नित्यं पूजयाम्यहम्

dhanaṃ vidyāstathaiśvaryaṃ yeṣāṃ na calayenmatim |
calitāṃ ye nigṛhṇanti tānnityaṃ pūjayāmyaham

इष्टैर्दारैरुपेतानां शुचीनामग्निहोत्रिणाम् ।
चतुष्पादकुटुम्बानां मातिले प्रणमाम्यहम्

iṣṭairdārairupetānāṃ śucīnāmagnihotriṇām |
catuṣpādakuṭumbānāṃ mātile praṇamāmyaham

महतस्तपसा प्राप्तौ धनस्य विपुलस्य च ।
कत्यागस्तस्य न वै कार्यो योऽऽत्मानं नावबुध्यते

mahatastapasā prāptau dhanasya vipulasya ca |
katyāgastasya na vai kāryo yo''tmānaṃ nāvabudhyate

येषामर्थस्तथा कामो धर्ममूलविवर्धितः ।
धर्मार्थौ तस्य नियतौ तान्नमस्यामि मातले

yeṣāmarthastathā kāmo dharmamūlavivardhitaḥ |
dharmārthau tasya niyatau tānnamasyāmi mātale

धर्ममूलार्थकामानां ब्राह्मणानां गवामपि ॥
पतिव्रतानां नारीणां प्रणामं प्रकरोम्यहम्

dharmamūlārthakāmānāṃ brāhmaṇānāṃ gavāmapi ||
pativratānāṃ nārīṇāṃ praṇāmaṃ prakaromyaham

ये भुक्त्वा मानुषान्भोगान्पूर्वे वयसि मातले ।
तपसा स्वर्गमायान्ति शश्वत्तान्पूजयाम्यहम्

ye bhuktvā mānuṣānbhogānpūrve vayasi mātale |
tapasā svargamāyānti śaśvattānpūjayāmyaham

असंभोगान्नचासक्तान्धर्मनित्याञ्जितेन्द्रियान् ।
संन्यस्तानचलप्रख्यान्मनसा पूजयामि तान्

asaṃbhogānnacāsaktāndharmanityāñjitendriyān |
saṃnyastānacalaprakhyānmanasā pūjayāmi tān

ज्ञानप्रसन्नविद्यानां निरूढं धर्ममीप्सितम् ।
परैः कीर्तितशौचानां मातले तान्नमाम्यहम्

jñānaprasannavidyānāṃ nirūḍhaṃ dharmamīpsitam |
paraiḥ kīrtitaśaucānāṃ mātale tānnamāmyaham