अध्याय 90: प्रम्लोचा द्वारा रुचि को कन्यादान

ततस्तस्मान्नदीमध्यात्समुत्तस्थौ मनोरमा ।
प्रम्लौचा नाम तन्वङ्गी तत्समीपे वराप्सराः

tatastasmānnadīmadhyātsamuttasthau manoramā |
pramlaucā nāma tanvaṅgī tatsamīpe varāpsarāḥ

सा चोवाच महात्मानं रुचिं सुमधुराक्षरम् ।
प्रसादयामास भूयः प्रम्लोचा च वराप्सराः

sā covāca mahātmānaṃ ruciṃ sumadhurākṣaram |
prasādayāmāsa bhūyaḥ pramlocā ca varāpsarāḥ

अतीवरूपिणी कन्या मत्प्रसाद्वराङ्गना ।
जाता वरुणपुत्रेण पुष्करेण महात्मना

atīvarūpiṇī kanyā matprasādvarāṅganā |
jātā varuṇaputreṇa puṣkareṇa mahātmanā

तां गृहाण मया दत्तां भार्य्यार्थे वरवर्णिनीम् ।
मनुर्महामतिस्तस्यां समुत्पत्स्यति ते सुतः

tāṃ gṛhāṇa mayā dattāṃ bhāryyārthe varavarṇinīm |
manurmahāmatistasyāṃ samutpatsyati te sutaḥ

तथेति तेन साप्युक्ता तस्मात्तोयाद्वपुष्मतीम् ।
उद्दधार ततः कन्यां मानिनीं नाम नामतः

tatheti tena sāpyuktā tasmāttoyādvapuṣmatīm |
uddadhāra tataḥ kanyāṃ māninīṃ nāma nāmataḥ

नद्याश्च पुलिने तस्मिन्स मुनिर्मुनिसत्तमाः ।
जग्राह पाणिं विधिवत्समानीय महामुनिः

nadyāśca puline tasminsa munirmunisattamāḥ |
jagrāha pāṇiṃ vidhivatsamānīya mahāmuniḥ

तस्यां तस्य सुतो जज्ञे महावीर्य्यो महाद्युतिः ।
रुचे रौच्य इति ख्यातो यो मया पूर्वमीरितः

tasyāṃ tasya suto jajñe mahāvīryyo mahādyutiḥ |
ruce raucya iti khyāto yo mayā pūrvamīritaḥ