अध्याय 85: प्रेतशिला पर पिण्डदान के मन्त्र

स्नात्वा प्रेतशिलादौ तु वरुणास्थामृतेन च ।
पिण्डं दद्यादिमैर्मन्त्रैरावाह्य च पितॄन्परान्

snātvā pretaśilādau tu varuṇāsthāmṛtena ca |
piṇḍaṃ dadyādimairmantrairāvāhya ca pitṝnparān

अस्मत्कुले मृता ये च गतिर्येषां न विद्यते ।
आवाहयिष्येतान्सर्वान् दर्भपृष्ठे तिलोदकैः

asmatkule mṛtā ye ca gatiryeṣāṃ na vidyate |
āvāhayiṣyetānsarvān darbhapṛṣṭhe tilodakaiḥ

पितृवंशे मृता ये च मातृवंशे च ये मृताः ।
तेषामुद्धरणार्थाये इमं पिण्डं ददाम्यहम्

pitṛvaṃśe mṛtā ye ca mātṛvaṃśe ca ye mṛtāḥ |
teṣāmuddharaṇārthāye imaṃ piṇḍaṃ dadāmyaham

मातामहकुले ये च गतिर्येषां न विद्यते ।
तेषामुद्धरणार्थाय इमं पिण्डं ददाम्यहम्

mātāmahakule ye ca gatiryeṣāṃ na vidyate |
teṣāmuddharaṇārthāya imaṃ piṇḍaṃ dadāmyaham

अजातदन्ता ये केचिद्ये च गर्भे प्रपीडिताः ।
तेषामुद्धरणार्थाय इम पिण्डं ददाम्यहम्

ajātadantā ye kecidye ca garbhe prapīḍitāḥ |
teṣāmuddharaṇārthāya ima piṇḍaṃ dadāmyaham

बन्धुवर्गाश्च ये केचिन्नामगोत्रविवर्जिताः ।
स्वगोत्रे परगोत्रे वा गतिर्येषां न विद्यते ।
तेषामुद्धरणार्थाय इम पिण्डं ददाम्यहम्

bandhuvargāśca ye kecinnāmagotravivarjitāḥ |
svagotre paragotre vā gatiryeṣāṃ na vidyate |
teṣāmuddharaṇārthāya ima piṇḍaṃ dadāmyaham

उद्बन्धनमृता ये च विषशस्रहताश्च ये ।
आत्मोपघातिनो ये च तेभ्यः पिण्डं ददाम्यहम्

udbandhanamṛtā ye ca viṣaśasrahatāśca ye |
ātmopaghātino ye ca tebhyaḥ piṇḍaṃ dadāmyaham

अग्निदाहे मृता ये च सिंहव्याघ्रहताश्चये ।
दंष्ट्रिभिः श्रृङ्गिभिर्वापि तेषां पिण्डं ददाम्यहम्

agnidāhe mṛtā ye ca siṃhavyāghrahatāścaye |
daṃṣṭribhiḥ śrṛṅgibhirvāpi teṣāṃ piṇḍaṃ dadāmyaham

अग्निदग्धाश्च ये केचिन्नाग्निदग्धास्तथापरे ।
विद्युच्चौरहता ये च तेभ्यः पिण्डं ददाम्यहम्

agnidagdhāśca ye kecinnāgnidagdhāstathāpare |
vidyuccaurahatā ye ca tebhyaḥ piṇḍaṃ dadāmyaham

रौरवे चान्धतामिस्त्रे कालसूत्रे च ये गताः ।
तेषामुद्धरणार्थाय इमं पिण्डं ददाम्यहम्

raurave cāndhatāmistre kālasūtre ca ye gatāḥ |
teṣāmuddharaṇārthāya imaṃ piṇḍaṃ dadāmyaham

असिपत्रवने घोरे कुम्भीपाके च ये गताः ।
तेषामुद्धरणार्थाय इमं पिण्डं ददाम्यहम्

asipatravane ghore kumbhīpāke ca ye gatāḥ |
teṣāmuddharaṇārthāya imaṃ piṇḍaṃ dadāmyaham

अन्येषां यातना स्थानां प्रेतलोकनिवासिनाम् ।
तेषामुद्धरणार्थाय इमं पिण्डं ददाम्यहम्

anyeṣāṃ yātanā sthānāṃ pretalokanivāsinām |
teṣāmuddharaṇārthāya imaṃ piṇḍaṃ dadāmyaham

पुशुयोनिं गता ये च पक्षिकीटसरीसृपाः ।
अथवा वृक्षयोनि स्थास्तेभ्यः पिण्डं ददाम्यहम्

puśuyoniṃ gatā ye ca pakṣikīṭasarīsṛpāḥ |
athavā vṛkṣayoni sthāstebhyaḥ piṇḍaṃ dadāmyaham

असंख्ययातनासंस्था ये नीता यमशासनैः ।
तेषामुद्धरणार्थाय इमं पिंडं ददाम्यहम्

asaṃkhyayātanāsaṃsthā ye nītā yamaśāsanaiḥ |
teṣāmuddharaṇārthāya imaṃ piṃḍaṃ dadāmyaham

जात्यन्तरसहस्त्रेषु भ्रमन्ति स्वेन कर्मणा ।
मानुष्यं दुर्लभं येषां तेभ्यः पिण्डं ददाम्यहम्

jātyantarasahastreṣu bhramanti svena karmaṇā |
mānuṣyaṃ durlabhaṃ yeṣāṃ tebhyaḥ piṇḍaṃ dadāmyaham

ये बान्धवाऽबान्धवा वा येऽन्यजन्मनि बान्धवाः ।
ते सर्वेतृप्तिमायान्तु पिण्डदानेन सर्वदा

ye bāndhavā'bāndhavā vā ye'nyajanmani bāndhavāḥ |
te sarvetṛptimāyāntu piṇḍadānena sarvadā

ये केचित्प्रेतरूपेण वर्त्तन्ते पितरो मम ।
ते सर्वे तृप्तिमायान्तु पिण्डदानेन सर्वदा

ye kecitpretarūpeṇa varttante pitaro mama |
te sarve tṛptimāyāntu piṇḍadānena sarvadā

ये मे पितृकुले जाताः कुले मातुस्तथैव च ।
गुरुश्वशुरबन्धूनां ये चान्ये बान्धवा मृताः

ye me pitṛkule jātāḥ kule mātustathaiva ca |
guruśvaśurabandhūnāṃ ye cānye bāndhavā mṛtāḥ

ये मे कुले लुप्तपिण्डाः पुत्त्रदारविवर्जिताः ।
क्रियालो पहता ये च जात्यन्धाः पङ्गवस्तथा

ye me kule luptapiṇḍāḥ puttradāravivarjitāḥ |
kriyālo pahatā ye ca jātyandhāḥ paṅgavastathā

विरूपा आमगर्भाश्च ज्ञाताज्ञाताः कुले मम ।
तेषां पिण्डं मया दत्तमक्षय्यमुपतिष्ठताम्

virūpā āmagarbhāśca jñātājñātāḥ kule mama |
teṣāṃ piṇḍaṃ mayā dattamakṣayyamupatiṣṭhatām

साक्षिणः सन्तु मे देवा ब्रह्मेशानादयस्तथा ।
मया गयां समासाद्य पितॄणां निष्कृतिः कृता

sākṣiṇaḥ santu me devā brahmeśānādayastathā |
mayā gayāṃ samāsādya pitṝṇāṃ niṣkṛtiḥ kṛtā

आगतोऽहं गयां देव पितृकार्य्ये गदाधर ।
तन्मे साक्षी भवत्वद्य अनृणोऽहमृणत्रयात्

āgato'haṃ gayāṃ deva pitṛkāryye gadādhara |
tanme sākṣī bhavatvadya anṛṇo'hamṛṇatrayāt

महानदी ब्रह्मसरोऽक्षयो वटः प्रभासमुद्यन्तमहो गयाशिरः ।
सरस्वतीधर्मकधेनुपृष्ठा एते कुरुक्षेत्रगता गयायाम्

mahānadī brahmasaro'kṣayo vaṭaḥ prabhāsamudyantamaho gayāśiraḥ |
sarasvatīdharmakadhenupṛṣṭhā ete kurukṣetragatā gayāyām