अध्याय 3: गरुड़ पुराण के विषयों की सूची

इति रुद्राब्जजौ विष्णोः शुश्राव ब्रह्मणो मुनिः ।
व्यासो व्यासादहं वक्ष्येहं ते शौनक नैमिषे

iti rudrābjajau viṣṇoḥ śuśrāva brahmaṇo muniḥ |
vyāso vyāsādahaṃ vakṣyehaṃ te śaunaka naimiṣe

मुनीनां श्रृण्वतां मध्ये सर्गाद्यं देवपूजनम् ।
तीर्थं भुवनकोशं च मन्वन्तरमिहोच्यते

munīnāṃ śrṛṇvatāṃ madhye sargādyaṃ devapūjanam |
tīrthaṃ bhuvanakośaṃ ca manvantaramihocyate

वर्णाश्रमादिधर्माश्च दानराज्यादिधर्मकाः ।
व्यवहारो व्रतं वंशा वैद्यकं सनिदानकम्

varṇāśramādidharmāśca dānarājyādidharmakāḥ |
vyavahāro vrataṃ vaṃśā vaidyakaṃ sanidānakam

अंगानि प्रलयो धर्मकामार्थज्ञानमुत्तमम् ।
सप्रपञ्चं निष्प्रपञ्चं कृतं विष्णोर्निगद्यते

aṃgāni pralayo dharmakāmārthajñānamuttamam |
saprapañcaṃ niṣprapañcaṃ kṛtaṃ viṣṇornigadyate

पुराणे गारुडे सर्वं गरुडो भगवानथ ।
वासुदेवप्रसादेन सामर्थ्यातिशयैर्युतः

purāṇe gāruḍe sarvaṃ garuḍo bhagavānatha |
vāsudevaprasādena sāmarthyātiśayairyutaḥ

भुत्वा हरेर्वाहनं च सर्गादीनां च कारणम् ।
देवान्विजित्य गरुडो ह्यमृताहरणं तथा

bhutvā harervāhanaṃ ca sargādīnāṃ ca kāraṇam |
devānvijitya garuḍo hyamṛtāharaṇaṃ tathā

चक्रे क्षुधा हृतं यस्य ब्रह्माण्डमुदरे हरेः ।
यं दृष्ट्वा स्मृतमात्रेण नागादीनां च संक्षयम्

cakre kṣudhā hṛtaṃ yasya brahmāṇḍamudare hareḥ |
yaṃ dṛṣṭvā smṛtamātreṇa nāgādīnāṃ ca saṃkṣayam

कश्यपो गारुडाद्वृक्षं दग्धं चाजीवयद्यतः ।
गरुडः स हरिस्तेन प्रोक्तं श्रीकश्यपाय च

kaśyapo gāruḍādvṛkṣaṃ dagdhaṃ cājīvayadyataḥ |
garuḍaḥ sa haristena proktaṃ śrīkaśyapāya ca

तच्छ्रीमद्रारुडं पुण्यं सर्वदं पठतस्तव ।
वक्ष्ये व्यासं नमस्कृत्य श्रृणु शौनक तद्यथा

tacchrīmadrāruḍaṃ puṇyaṃ sarvadaṃ paṭhatastava |
vakṣye vyāsaṃ namaskṛtya śrṛṇu śaunaka tadyathā