अस॑र्जि॒ वक्वा॒ रथ्ये॒ यथा॒जौ धि॒या म॒नोता॑ प्रथ॒मो म॑नी॒षी ।
दश॒ स्वसा॑रो॒ अधि॒ सानो॒ अव्येऽज॑न्ति॒ वह्निं॒ सद॑ना॒न्यच्छ॑
asarji vakvā rathye yathājau dhiyā manotā prathamo manīṣī |
daśa svasāro adhi sāno avye'janti vahniṃ sadanānyaccha
Mandala 9
Sukta 91: Ten sisters drive the eloquent drop
Rishi: कश्यपो मारीचः · Devata: पवमानः सोमः · Metre: त्रिष्टुप्
6 verses · 91 of 114
What happens in this chapter
Ten sisters drive the eloquent drop
Kashyapa Maricha speaks six trishtubh verses to Soma Pavamana. Soma, the eloquent one, is let loose like a chariot horse in a race, first among thinkers. The ten sisters drive him over the sheep's fleece to his seats. The stalk roars like a bull for the bull Indra. Kashyapa asks him to break the strongholds of the rakshasas and strike them from above, to open paths for a new hymn as he did of old. The last verse asks for waters and svar, children, a wide field, lights, and long sight of the sun.
वी॒ती जन॑स्य दि॒व्यस्य॑ क॒व्यैरधि॑ सुवा॒नो न॑हु॒ष्ये॑भि॒रिन्दु॑ः ।
प्र यो नृभि॑र॒मृतो॒ मर्त्ये॑भिर्मर्मृजा॒नोऽवि॑भि॒र्गोभि॑र॒द्भिः
vītī janasya divyasya kavyairadhi suvāno nahuṣyebhirinduḥ |
pra yo nṛbhiramṛto martyebhirmarmṛjāno'vibhirgobhiradbhiḥ
वृषा॒ वृष्णे॒ रोरु॑वदं॒शुर॑स्मै॒ पव॑मानो॒ रुश॑दीर्ते॒ पयो॒ गोः ।
स॒हस्र॒मृक्वा॑ प॒थिभि॑र्वचो॒विद॑ध्व॒स्मभि॒ः सूरो॒ अण्वं॒ वि या॑ति
vṛṣā vṛṣṇe roruvadaṃśurasmai pavamāno ruśadīrte payo goḥ |
sahasramṛkvā pathibhirvacovidadhvasmabhiḥ sūro aṇvaṃ vi yāti
रु॒जा दृ॒ळ्हा चि॑द्र॒क्षस॒ः सदां॑सि पुना॒न इ॑न्द ऊर्णुहि॒ वि वाजा॑न् ।
वृ॒श्चोपरि॑ष्टात्तुज॒ता व॒धेन॒ ये अन्ति॑ दू॒रादु॑पना॒यमे॑षाम्
rujā dṛḻhā cidrakṣasaḥ sadāṃsi punāna inda ūrṇuhi vi vājān |
vṛścopariṣṭāttujatā vadhena ye anti dūrādupanāyameṣām
स प्र॑त्न॒वन्नव्य॑से विश्ववार सू॒क्ताय॑ प॒थः कृ॑णुहि॒ प्राच॑ः ।
ये दु॒ःषहा॑सो व॒नुषा॑ बृ॒हन्त॒स्ताँस्ते॑ अश्याम पुरुकृत्पुरुक्षो
sa pratnavannavyase viśvavāra sūktāya pathaḥ kṛṇuhi prācaḥ |
ye duḥṣahāso vanuṣā bṛhantastām̐ste aśyāma purukṛtpurukṣo
ए॒वा पु॑ना॒नो अ॒पः स्व१॒॑र्गा अ॒स्मभ्यं॑ तो॒का तन॑यानि॒ भूरि॑ ।
शं न॒ः क्षेत्र॑मु॒रु ज्योतीं॑षि सोम॒ ज्योङ्न॒ः सूर्यं॑ दृ॒शये॑ रिरीहि
evā punāno apaḥ svargā asmabhyaṃ tokā tanayāni bhūri |
śaṃ naḥ kṣetramuru jyotīṃṣi soma jyoṅnaḥ sūryaṃ dṛśaye rirīhi
Text source: Wikisource · CC BY-SA 4.0 (Wikisource transcription of a public-domain text)