म॒न्द्रया॑ सोम॒ धार॑या॒ वृषा॑ पवस्व देव॒युः ।
अव्यो॒ वारे॑ष्वस्म॒युः
mandrayā soma dhārayā vṛṣā pavasva devayuḥ |
avyo vāreṣvasmayuḥ
Mandala 9
Sukta 6: Ten Maidens Groom the Racing Steed
Rishi: कश्यपोऽसितो देवलो वा · Devata: पवमानः सोमः · Metre: गायत्री
9 verses · 6 of 114
What happens in this chapter
Ten Maidens Groom the Racing Steed
Kashyapa Asita or Devala praises Pavamana Soma in gayatri. Soma, the bull, is asked to flow with a pleasing stream through the sheep's fleece, longing for us, and to run toward Indra with his gladdening joy. The drops follow one another like waters down a slope and, purified, reach Indra. Ten maidens groom him like a racehorse as he plays in the wood beyond the fleece. He is mixed with milk for the delight of the Devas and flows as a Deva for Indra. Swiftly pressed, he is the atma of the yajna and guards the ancient poet's wisdom.
अ॒भि त्यं मद्यं॒ मद॒मिन्द॒विन्द्र॒ इति॑ क्षर ।
अ॒भि वा॒जिनो॒ अर्व॑तः
abhi tyaṃ madyaṃ madamindavindra iti kṣara |
abhi vājino arvataḥ
अ॒भि त्यं पू॒र्व्यं मदं॑ सुवा॒नो अ॑र्ष प॒वित्र॒ आ ।
अ॒भि वाज॑मु॒त श्रव॑ः
abhi tyaṃ pūrvyaṃ madaṃ suvāno arṣa pavitra ā |
abhi vājamuta śravaḥ
अनु॑ द्र॒प्सास॒ इन्द॑व॒ आपो॒ न प्र॒वता॑सरन् ।
पु॒ना॒ना इन्द्र॑माशत
anu drapsāsa indava āpo na pravatāsaran |
punānā indramāśata
यमत्य॑मिव वा॒जिनं॑ मृ॒जन्ति॒ योष॑णो॒ दश॑ ।
वने॒ क्रीळ॑न्त॒मत्य॑विम्
yamatyamiva vājinaṃ mṛjanti yoṣaṇo daśa |
vane krīḻantamatyavim
तं गोभि॒र्वृष॑णं॒ रसं॒ मदा॑य दे॒ववी॑तये ।
सु॒तं भरा॑य॒ सं सृ॑ज
taṃ gobhirvṛṣaṇaṃ rasaṃ madāya devavītaye |
sutaṃ bharāya saṃ sṛja
दे॒वो दे॒वाय॒ धार॒येन्द्रा॑य पवते सु॒तः ।
पयो॒ यद॑स्य पी॒पय॑त्
devo devāya dhārayendrāya pavate sutaḥ |
payo yadasya pīpayat
आ॒त्मा य॒ज्ञस्य॒ रंह्या॑ सुष्वा॒णः प॑वते सु॒तः ।
प्र॒त्नं नि पा॑ति॒ काव्य॑म्
ātmā yajñasya raṃhyā suṣvāṇaḥ pavate sutaḥ |
pratnaṃ ni pāti kāvyam
ए॒वा पु॑ना॒न इ॑न्द्र॒युर्मदं॑ मदिष्ठ वी॒तये॑ ।
गुहा॑ चिद्दधिषे॒ गिर॑ः
evā punāna indrayurmadaṃ madiṣṭha vītaye |
guhā ciddadhiṣe giraḥ
Text source: Wikisource · CC BY-SA 4.0 (Wikisource transcription of a public-domain text)