स्वादि॑ष्ठया॒ मदि॑ष्ठया॒ पव॑स्व सोम॒ धार॑या ।
इन्द्रा॑य॒ पात॑वे सु॒तः
svādiṣṭhayā madiṣṭhayā pavasva soma dhārayā |
indrāya pātave sutaḥ
Mandala 9
Sukta 1: The Sweetest Stream Flows for Indra
Rishi: मधुच्छन्दा वैश्वामित्रः · Devata: पवमानः सोमः · Metre: गायत्री
10 verses · 1 of 114
What happens in this chapter
The Sweetest Stream Flows for Indra
Madhuchchhandas Vaishvamitra opens the Pavamana mandala in gayatri, addressing Soma as he purifies. Soma is asked to flow in his sweetest, most gladdening stream, pressed for Indra to drink. He slays the rakshasas and takes his seat in the wooden vessel. The daughter of Surya purifies him through the fleece, ten young women, sisters, grasp him, and the unblemished cows dress the young one in milk. In the joy of this Soma, Indra strikes down every obstruction and the hero gives wealth. The singers seek Soma day after day, and ask for food, fame and generous gifts.
र॒क्षो॒हा वि॒श्वच॑र्षणिर॒भि योनि॒मयो॑हतम् ।
द्रुणा॑ स॒धस्थ॒मास॑दत्
rakṣohā viśvacarṣaṇirabhi yonimayohatam |
druṇā sadhasthamāsadat
व॒रि॒वो॒धात॑मो भव॒ मंहि॑ष्ठो वृत्र॒हन्त॑मः ।
पर्षि॒ राधो॑ म॒घोना॑म्
varivodhātamo bhava maṃhiṣṭho vṛtrahantamaḥ |
parṣi rādho maghonām
अ॒भ्य॑र्ष म॒हानां॑ दे॒वानां॑ वी॒तिमन्ध॑सा ।
अ॒भि वाज॑मु॒त श्रव॑ः
abhyarṣa mahānāṃ devānāṃ vītimandhasā |
abhi vājamuta śravaḥ
त्वामच्छा॑ चरामसि॒ तदिदर्थं॑ दि॒वेदि॑वे ।
इन्दो॒ त्वे न॑ आ॒शस॑ः
tvāmacchā carāmasi tadidarthaṃ divedive |
indo tve na āśasaḥ
पु॒नाति॑ ते परि॒स्रुतं॒ सोमं॒ सूर्य॑स्य दुहि॒ता ।
वारे॑ण॒ शश्व॑ता॒ तना॑
punāti te parisrutaṃ somaṃ sūryasya duhitā |
vāreṇa śaśvatā tanā
तमी॒मण्वी॑ः सम॒र्य आ गृ॒भ्णन्ति॒ योष॑णो॒ दश॑ ।
स्वसा॑र॒ः पार्ये॑ दि॒वि
tamīmaṇvīḥ samarya ā gṛbhṇanti yoṣaṇo daśa |
svasāraḥ pārye divi
तमीं॑ हिन्वन्त्य॒ग्रुवो॒ धम॑न्ति बाकु॒रं दृति॑म् ।
त्रि॒धातु॑ वार॒णं मधु॑
tamīṃ hinvantyagruvo dhamanti bākuraṃ dṛtim |
tridhātu vāraṇaṃ madhu
अ॒भी॒३॒॑ममघ्न्या॑ उ॒त श्री॒णन्ति॑ धे॒नव॒ः शिशु॑म् ।
सोम॒मिन्द्रा॑य॒ पात॑वे
abhīmamaghnyā uta śrīṇanti dhenavaḥ śiśum |
somamindrāya pātave
अ॒स्येदिन्द्रो॒ मदे॒ष्वा विश्वा॑ वृ॒त्राणि॑ जिघ्नते ।
शूरो॑ म॒घा च॑ मंहते
asyedindro madeṣvā viśvā vṛtrāṇi jighnate |
śūro maghā ca maṃhate
Text source: Wikisource · CC BY-SA 4.0 (Wikisource transcription of a public-domain text)