तं वो॑ द॒स्ममृ॑ती॒षहं॒ वसो॑र्मन्दा॒नमन्ध॑सः ।
अ॒भि व॒त्सं न स्वस॑रेषु धे॒नव॒ इन्द्रं॑ गी॒र्भिर्न॑वामहे
taṃ vo dasmamṛtīṣahaṃ vasormandānamandhasaḥ |
abhi vatsaṃ na svasareṣu dhenava indraṃ gīrbhirnavāmahe
Mandala 8
Sukta 88: We low to Indra like cows
Rishi: नोधा गौतमः · Devata: इन्द्रः · Metre: प्रगाथः - (विषमा बृहती, समा सतोबृहती)
6 verses · 88 of 103
What happens in this chapter
We low to Indra like cows
Nodha Gautama sings that we call out to Indra as milch cows low to their calves in the stalls: the wondrous one who overcomes attackers and delights in the Soma. We ask him, generous as a mountain that feeds many, for a prize of cattle, hundredfold and thousandfold. Great, firm mountains cannot stop you, Indra, when you wish to give wealth to a singer like me. You are a fighter by will, by strength and by deeds, surpassing all creatures. This hymn the Gotamas have made turns you here to help. You reach beyond the ends of heaven; the earthly region cannot hold you.
द्यु॒क्षं सु॒दानुं॒ तवि॑षीभि॒रावृ॑तं गि॒रिं न पु॑रु॒भोज॑सम् ।
क्षु॒मन्तं॒ वाजं॑ श॒तिनं॑ सह॒स्रिणं॑ म॒क्षू गोम॑न्तमीमहे
dyukṣaṃ sudānuṃ taviṣībhirāvṛtaṃ giriṃ na purubhojasam |
kṣumantaṃ vājaṃ śatinaṃ sahasriṇaṃ makṣū gomantamīmahe
न त्वा॑ बृ॒हन्तो॒ अद्र॑यो॒ वर॑न्त इन्द्र वी॒ळव॑ः ।
यद्दित्स॑सि स्तुव॒ते माव॑ते॒ वसु॒ नकि॒ष्टदा मि॑नाति ते
na tvā bṛhanto adrayo varanta indra vīḻavaḥ |
yadditsasi stuvate māvate vasu nakiṣṭadā mināti te
योद्धा॑सि॒ क्रत्वा॒ शव॑सो॒त दं॒सना॒ विश्वा॑ जा॒ताभि म॒ज्मना॑ ।
आ त्वा॒यम॒र्क ऊ॒तये॑ ववर्तति॒ यं गोत॑मा॒ अजी॑जनन्
yoddhāsi kratvā śavasota daṃsanā viśvā jātābhi majmanā |
ā tvāyamarka ūtaye vavartati yaṃ gotamā ajījanan
प्र हि रि॑रि॒क्ष ओज॑सा दि॒वो अन्ते॑भ्य॒स्परि॑ ।
न त्वा॑ विव्याच॒ रज॑ इन्द्र॒ पार्थि॑व॒मनु॑ स्व॒धां व॑वक्षिथ
pra hi ririkṣa ojasā divo antebhyaspari |
na tvā vivyāca raja indra pārthivamanu svadhāṃ vavakṣitha
नकि॒ः परि॑ष्टिर्मघवन्म॒घस्य॑ ते॒ यद्दा॒शुषे॑ दश॒स्यसि॑ ।
अ॒स्माकं॑ बोध्यु॒चथ॑स्य चोदि॒ता मंहि॑ष्ठो॒ वाज॑सातये
nakiḥ pariṣṭirmaghavanmaghasya te yaddāśuṣe daśasyasi |
asmākaṃ bodhyucathasya coditā maṃhiṣṭho vājasātaye
Text source: Wikisource · CC BY-SA 4.0 (Wikisource transcription of a public-domain text)