द्यु॒म्नी वां॒ स्तोमो॑ अश्विना॒ क्रिवि॒र्न सेक॒ आ ग॑तम् ।
मध्व॑ः सु॒तस्य॒ स दि॒वि प्रि॒यो न॑रा पा॒तं गौ॒रावि॒वेरि॑णे
dyumnī vāṃ stomo aśvinā krivirna seka ā gatam |
madhvaḥ sutasya sa divi priyo narā pātaṃ gaurāviveriṇe
Mandala 8
Sukta 87: Ashvins, come like deer to water
Rishi: कृष्ण आङ्गिरसो, वासिष्ठो वा द्युम्नीकः, प्रियमेध आङ्गिरसो वा · Devata: अश्विनौ · Metre: प्रगाथः ( विषमा बृहती, समा सतोबृहती )
6 verses · 87 of 103
What happens in this chapter
Ashvins, come like deer to water
The anukramani names Krishna Angirasa, or Dyumnika Vasishtha, or Priyamedha Angirasa as the seer. The praise of the Ashvins is bright; come to it as to a pouring spring. Drink the honeyed Soma pressed for you, as wild gaura deer drink at a pool. Drink the warm gharma full of sweetness, sit on the barhis, and enjoy yourselves in the house of man. The Priyamedhas have called you with all your help. Come now with your horses of dappled hue, wonder-workers on golden tracks, lords of beauty, strengtheners of rita. We seers call you for the winning of prizes; come at once, hearing our prayer.
पिब॑तं घ॒र्मं मधु॑मन्तमश्वि॒ना ब॒र्हिः सी॑दतं नरा ।
ता म॑न्दसा॒ना मनु॑षो दुरो॒ण आ नि पा॑तं॒ वेद॑सा॒ वय॑ः
pibataṃ gharmaṃ madhumantamaśvinā barhiḥ sīdataṃ narā |
tā mandasānā manuṣo duroṇa ā ni pātaṃ vedasā vayaḥ
आ वां॒ विश्वा॑भिरू॒तिभि॑ः प्रि॒यमे॑धा अहूषत ।
ता व॒र्तिर्या॑त॒मुप॑ वृ॒क्तब॑र्हिषो॒ जुष्टं॑ य॒ज्ञं दिवि॑ष्टिषु
ā vāṃ viśvābhirūtibhiḥ priyamedhā ahūṣata |
tā vartiryātamupa vṛktabarhiṣo juṣṭaṃ yajñaṃ diviṣṭiṣu
पिब॑तं॒ सोमं॒ मधु॑मन्तमश्वि॒ना ब॒र्हिः सी॑दतं सु॒मत् ।
ता वा॑वृधा॒ना उप॑ सुष्टु॒तिं दि॒वो ग॒न्तं गौ॒रावि॒वेरि॑णम्
pibataṃ somaṃ madhumantamaśvinā barhiḥ sīdataṃ sumat |
tā vāvṛdhānā upa suṣṭutiṃ divo gantaṃ gaurāviveriṇam
आ नू॒नं या॑तमश्वि॒नाश्वे॑भिः प्रुषि॒तप्सु॑भिः ।
दस्रा॒ हिर॑ण्यवर्तनी शुभस्पती पा॒तं सोम॑मृतावृधा
ā nūnaṃ yātamaśvināśvebhiḥ pruṣitapsubhiḥ |
dasrā hiraṇyavartanī śubhaspatī pātaṃ somamṛtāvṛdhā
व॒यं हि वां॒ हवा॑महे विप॒न्यवो॒ विप्रा॑सो॒ वाज॑सातये ।
ता व॒ल्गू द॒स्रा पु॑रु॒दंस॑सा धि॒याश्वि॑ना श्रु॒ष्ट्या ग॑तम्
vayaṃ hi vāṃ havāmahe vipanyavo viprāso vājasātaye |
tā valgū dasrā purudaṃsasā dhiyāśvinā śruṣṭyā gatam
Text source: Wikisource · CC BY-SA 4.0 (Wikisource transcription of a public-domain text)