दे॒वाना॒मिदवो॑ म॒हत्तदा वृ॑णीमहे व॒यम् ।
वृष्णा॑म॒स्मभ्य॑मू॒तये॑
devānāmidavo mahattadā vṛṇīmahe vayam |
vṛṣṇāmasmabhyamūtaye
Mandala 8
Sukta 83: Brothers in one mother's womb
Rishi: कुसीदी काण्वः · Devata: विश्वे देवाः · Metre: गायत्री
9 verses · 83 of 103
What happens in this chapter
Brothers in one mother's womb
Kusidi Kanva, praying to the Vishvedevas, chooses the great help of the gods for protection. May Varuna, Mitra and Aryaman be our companions always, and bring us across our many troubles as boats carry men over water, for you are the charioteers of rita. Let what is lovely be ours, Aryaman, let it be praiseworthy, Varuna. Indra, Vishnu, Maruts and Ashvins, come to us who are your kin. The rishi recalls a shared brotherhood from the mother's womb, so he can address the generous gods, whose eldest is Indra, without fear.
ते न॑ः सन्तु॒ युज॒ः सदा॒ वरु॑णो मि॒त्रो अ॑र्य॒मा ।
वृ॒धास॑श्च॒ प्रचे॑तसः
te naḥ santu yujaḥ sadā varuṇo mitro aryamā |
vṛdhāsaśca pracetasaḥ
अति॑ नो विष्पि॒ता पु॒रु नौ॒भिर॒पो न प॑र्षथ ।
यू॒यमृ॒तस्य॑ रथ्यः
ati no viṣpitā puru naubhirapo na parṣatha |
yūyamṛtasya rathyaḥ
वा॒मं नो॑ अस्त्वर्यमन्वा॒मं व॑रुण॒ शंस्य॑म् ।
वा॒मं ह्या॑वृणी॒महे॑
vāmaṃ no astvaryamanvāmaṃ varuṇa śaṃsyam |
vāmaṃ hyāvṛṇīmahe
वा॒मस्य॒ हि प्र॑चेतस॒ ईशा॑नाशो रिशादसः ।
नेमा॑दित्या अ॒घस्य॒ यत्
vāmasya hi pracetasa īśānāśo riśādasaḥ |
nemādityā aghasya yat
व॒यमिद्व॑ः सुदानवः क्षि॒यन्तो॒ यान्तो॒ अध्व॒न्ना ।
देवा॑ वृ॒धाय॑ हूमहे
vayamidvaḥ sudānavaḥ kṣiyanto yānto adhvannā |
devā vṛdhāya hūmahe
अधि॑ न इन्द्रैषां॒ विष्णो॑ सजा॒त्या॑नाम् ।
इ॒ता मरु॑तो॒ अश्वि॑ना
adhi na indraiṣāṃ viṣṇo sajātyānām |
itā maruto aśvinā
प्र भ्रा॑तृ॒त्वं सु॑दान॒वोऽध॑ द्वि॒ता स॑मा॒न्या ।
मा॒तुर्गर्भे॑ भरामहे
pra bhrātṛtvaṃ sudānavo'dha dvitā samānyā |
māturgarbhe bharāmahe
यू॒यं हि ष्ठा सु॑दानव॒ इन्द्र॑ज्येष्ठा अ॒भिद्य॑वः ।
अधा॑ चिद्व उ॒त ब्रु॑वे
yūyaṃ hi ṣṭhā sudānava indrajyeṣṭhā abhidyavaḥ |
adhā cidva uta bruve
Text source: Wikisource · CC BY-SA 4.0 (Wikisource transcription of a public-domain text)