इ॒मं नु मा॒यिनं॑ हुव॒ इन्द्र॒मीशा॑न॒मोज॑सा ।
म॒रुत्व॑न्तं॒ न वृ॒ञ्जसे॑
imaṃ nu māyinaṃ huva indramīśānamojasā |
marutvantaṃ na vṛñjase
Mandala 8
Sukta 76: Indra, friend of the Maruts, drinks
Rishi: कुरुसुतिः काण्वः · Devata: इन्द्रः · Metre: गायत्री
12 verses · 76 of 103
What happens in this chapter
Indra, friend of the Maruts, drinks
Kurusuti Kanva calls Indra, lord by his own might, together with the Maruts. With the Maruts as friends, Indra split the head of Vritra with his hundred-jointed vajra and released the waters of the ocean. With them he won the light of heaven. The rishi invites Indra Marutvan again and again to drink the pressed Soma, sharpening his vajra in his strength. Rising up after drinking, Indra made his jaws quiver; both worlds yielded to him when he became the slayer of the dasyu. In the last verse the rishi says he has fashioned from Indra an eight-footed, nine-cornered speech that touches rita.
अ॒यमिन्द्रो॑ म॒रुत्स॑खा॒ वि वृ॒त्रस्या॑भिन॒च्छिर॑ः ।
वज्रे॑ण श॒तप॑र्वणा
ayamindro marutsakhā vi vṛtrasyābhinacchiraḥ |
vajreṇa śataparvaṇā
वा॒वृ॒धा॒नो म॒रुत्स॒खेन्द्रो॒ वि वृ॒त्रमै॑रयत् ।
सृ॒जन्स॑मु॒द्रिया॑ अ॒पः
vāvṛdhāno marutsakhendro vi vṛtramairayat |
sṛjansamudriyā apaḥ
अ॒यं ह॒ येन॒ वा इ॒दं स्व॑र्म॒रुत्व॑ता जि॒तम् ।
इन्द्रे॑ण॒ सोम॑पीतये
ayaṃ ha yena vā idaṃ svarmarutvatā jitam |
indreṇa somapītaye
म॒रुत्व॑न्तमृजी॒षिण॒मोज॑स्वन्तं विर॒प्शिन॑म् ।
इन्द्रं॑ गी॒र्भिर्ह॑वामहे
marutvantamṛjīṣiṇamojasvantaṃ virapśinam |
indraṃ gīrbhirhavāmahe
इन्द्रं॑ प्र॒त्नेन॒ मन्म॑ना म॒रुत्व॑न्तं हवामहे ।
अ॒स्य सोम॑स्य पी॒तये॑
indraṃ pratnena manmanā marutvantaṃ havāmahe |
asya somasya pītaye
म॒रुत्वाँ॑ इन्द्र मीढ्व॒ः पिबा॒ सोमं॑ शतक्रतो ।
अ॒स्मिन्य॒ज्ञे पु॑रुष्टुत
marutvām̐ indra mīḍhvaḥ pibā somaṃ śatakrato |
asminyajñe puruṣṭuta
तुभ्येदि॑न्द्र म॒रुत्व॑ते सु॒ताः सोमा॑सो अद्रिवः ।
हृ॒दा हू॑यन्त उ॒क्थिन॑ः
tubhyedindra marutvate sutāḥ somāso adrivaḥ |
hṛdā hūyanta ukthinaḥ
पिबेदि॑न्द्र म॒रुत्स॑खा सु॒तं सोमं॒ दिवि॑ष्टिषु ।
वज्रं॒ शिशा॑न॒ ओज॑सा
pibedindra marutsakhā sutaṃ somaṃ diviṣṭiṣu |
vajraṃ śiśāna ojasā
उ॒त्तिष्ठ॒न्नोज॑सा स॒ह पी॒त्वी शिप्रे॑ अवेपयः ।
सोम॑मिन्द्र च॒मू सु॒तम्
uttiṣṭhannojasā saha pītvī śipre avepayaḥ |
somamindra camū sutam
अनु॑ त्वा॒ रोद॑सी उ॒भे क्रक्ष॑माणमकृपेताम् ।
इन्द्र॒ यद्द॑स्यु॒हाभ॑वः
anu tvā rodasī ubhe krakṣamāṇamakṛpetām |
indra yaddasyuhābhavaḥ
वाच॑म॒ष्टाप॑दीम॒हं नव॑स्रक्तिमृत॒स्पृश॑म् ।
इन्द्रा॒त्परि॑ त॒न्वं॑ ममे
vācamaṣṭāpadīmahaṃ navasraktimṛtaspṛśam |
indrātpari tanvaṃ mame
Text source: Wikisource · CC BY-SA 4.0 (Wikisource transcription of a public-domain text)