ए॒तत्त॑ इन्द्र वी॒र्यं॑ गी॒र्भिर्गृ॒णन्ति॑ का॒रव॑ः ।
ते स्तोभ॑न्त॒ ऊर्ज॑मावन्घृत॒श्चुतं॑ पौ॒रासो॑ नक्षन्धी॒तिभि॑ः
etatta indra vīryaṃ gīrbhirgṛṇanti kāravaḥ |
te stobhanta ūrjamāvanghṛtaścutaṃ paurāso nakṣandhītibhiḥ
Mandala 8
Sukta 54: Sixth Valakhilya: Matarishvan calls all the gods
Rishi: मातरिश्वा काण्वः · Devata: इन्द्रः, ३-४ विश्वे देवाः · Metre: प्रगाथः - (विषमा बृहती, समा सतोबृहती)
8 verses · 54 of 103
What happens in this chapter
Sixth Valakhilya: Matarishvan calls all the gods
Matarishvan Kanva sings the sixth Valakhilya sukta in pragatha, to Indra, with verses 3 and 4 to all the gods. The singers praise Indra's valour; the people of Puru approach him with prayers dripping ghee. As he rejoiced with Samvarta and with Krisha, so let him rejoice with us. All the gods are asked to come together: Vasus, Rudras and Maruts, Pushan, Vishnu, Sarasvati, the seven rivers, the waters, wind, mountains, the lord of the forest and the earth itself. Indra, lord of contests and of men, has bounty for the generous. The last verse asks him to pour out great, lasting, unfailing wealth for Praskanva.
नक्ष॑न्त॒ इन्द्र॒मव॑से सुकृ॒त्यया॒ येषां॑ सु॒तेषु॒ मन्द॑से ।
यथा॑ संव॒र्ते अम॑दो॒ यथा॑ कृ॒श ए॒वास्मे इ॑न्द्र मत्स्व
nakṣanta indramavase sukṛtyayā yeṣāṃ suteṣu mandase |
yathā saṃvarte amado yathā kṛśa evāsme indra matsva
आ नो॒ विश्वे॑ स॒जोष॑सो॒ देवा॑सो॒ गन्त॒नोप॑ नः ।
वस॑वो रु॒द्रा अव॑से न॒ आ ग॑मञ्छृ॒ण्वन्तु॑ म॒रुतो॒ हव॑म्
ā no viśve sajoṣaso devāso gantanopa naḥ |
vasavo rudrā avase na ā gamañchṛṇvantu maruto havam
पू॒षा विष्णु॒र्हव॑नं मे॒ सर॑स्व॒त्यव॑न्तु स॒प्त सिन्ध॑वः ।
आपो॒ वात॒ः पर्व॑तासो॒ वन॒स्पति॑ः शृ॒णोतु॑ पृथि॒वी हव॑म्
pūṣā viṣṇurhavanaṃ me sarasvatyavantu sapta sindhavaḥ |
āpo vātaḥ parvatāso vanaspatiḥ śṛṇotu pṛthivī havam
यदि॑न्द्र॒ राधो॒ अस्ति॑ ते॒ माघो॑नं मघवत्तम ।
तेन॑ नो बोधि सध॒माद्यो॑ वृ॒धे भगो॑ दा॒नाय॑ वृत्रहन्
yadindra rādho asti te māghonaṃ maghavattama |
tena no bodhi sadhamādyo vṛdhe bhago dānāya vṛtrahan
आजि॑पते नृपते॒ त्वमिद्धि नो॒ वाज॒ आ व॑क्षि सुक्रतो ।
वी॒ती होत्रा॑भिरु॒त दे॒ववी॑तिभिः सस॒वांसो॒ वि शृ॑ण्विरे
ājipate nṛpate tvamiddhi no vāja ā vakṣi sukrato |
vītī hotrābhiruta devavītibhiḥ sasavāṃso vi śṛṇvire
सन्ति॒ ह्य१॒॑र्य आ॒शिष॒ इन्द्र॒ आयु॒र्जना॑नाम् ।
अ॒स्मान्न॑क्षस्व मघव॒न्नुपाव॑से धु॒क्षस्व॑ पि॒प्युषी॒मिष॑म्
santi hyarya āśiṣa indra āyurjanānām |
asmānnakṣasva maghavannupāvase dhukṣasva pipyuṣīmiṣam
व॒यं त॑ इन्द्र॒ स्तोमे॑भिर्विधेम॒ त्वम॒स्माकं॑ शतक्रतो ।
महि॑ स्थू॒रं श॑श॒यं राधो॒ अह्र॑यं॒ प्रस्क॑ण्वाय॒ नि तो॑शय
vayaṃ ta indra stomebhirvidhema tvamasmākaṃ śatakrato |
mahi sthūraṃ śaśayaṃ rādho ahrayaṃ praskaṇvāya ni tośaya
Text source: Wikisource · CC BY-SA 4.0 (Wikisource transcription of a public-domain text)