यथा॒ मनौ॒ विव॑स्वति॒ सोमं॑ श॒क्रापि॑बः सु॒तम् ।
यथा॑ त्रि॒ते छन्द॑ इन्द्र॒ जुजो॑षस्या॒यौ मा॑दयसे॒ सचा॑
yathā manau vivasvati somaṃ śakrāpibaḥ sutam |
yathā trite chanda indra jujoṣasyāyau mādayase sacā
Mandala 8
Sukta 52: Fourth Valakhilya: Ayu and the turiya Aditya
Rishi: आयुः काण्वः · Devata: इन्द्रः · Metre: प्रगाथः - (विषमा बृहती, समा सतोबृहती)
10 verses · 52 of 103
What happens in this chapter
Fourth Valakhilya: Ayu and the turiya Aditya
Ayu Kanva sings the fourth Valakhilya sukta in pragatha. As Indra drank Soma with Manu Vivasvat, with Trita, with Ayu, with Prishadhra, Medhya and Matarishvan, so let him rejoice now. Indra alone holds the hymns and boldly drank the Soma; for him Vishnu strode his three steps by the laws of Mitra. The singers call him as cowherds call a good milch cow. The giver is our father, great and fierce. Indra never neglects and guards both births; the rishi calls him the fourth Aditya, whose power stands as amrita in heaven. Indra shook together wealth, heaven and earth and the sun; the bright Soma mixed with milk gladdened him.
पृष॑ध्रे॒ मेध्ये॑ मात॒रिश्व॒नीन्द्र॑ सुवा॒ने अम॑न्दथाः ।
यथा॒ सोमं॒ दश॑शिप्रे॒ दशो॑ण्ये॒ स्यूम॑रश्मा॒वृजू॑नसि
pṛṣadhre medhye mātariśvanīndra suvāne amandathāḥ |
yathā somaṃ daśaśipre daśoṇye syūmaraśmāvṛjūnasi
य उ॒क्था केव॑ला द॒धे यः सोमं॑ धृषि॒तापि॑बत् ।
यस्मै॒ विष्णु॒स्त्रीणि॑ प॒दा वि॑चक्र॒म उप॑ मि॒त्रस्य॒ धर्म॑भिः
ya ukthā kevalā dadhe yaḥ somaṃ dhṛṣitāpibat |
yasmai viṣṇustrīṇi padā vicakrama upa mitrasya dharmabhiḥ
यस्य॒ त्वमि॑न्द्र॒ स्तोमे॑षु चा॒कनो॒ वाजे॑ वाजिञ्छतक्रतो ।
तं त्वा॑ व॒यं सु॒दुघा॑मिव गो॒दुहो॑ जुहू॒मसि॑ श्रव॒स्यव॑ः
yasya tvamindra stomeṣu cākano vāje vājiñchatakrato |
taṃ tvā vayaṃ sudughāmiva goduho juhūmasi śravasyavaḥ
यो नो॑ दा॒ता स न॑ः पि॒ता म॒हाँ उ॒ग्र ई॑शान॒कृत् ।
अया॑मन्नु॒ग्रो म॒घवा॑ पुरू॒वसु॒र्गोरश्व॑स्य॒ प्र दा॑तु नः
yo no dātā sa naḥ pitā mahām̐ ugra īśānakṛt |
ayāmannugro maghavā purūvasurgoraśvasya pra dātu naḥ
यस्मै॒ त्वं व॑सो दा॒नाय॒ मंह॑से॒ स रा॒यस्पोष॑मिन्वति ।
व॒सू॒यवो॒ वसु॑पतिं श॒तक्र॑तुं॒ स्तोमै॒रिन्द्रं॑ हवामहे
yasmai tvaṃ vaso dānāya maṃhase sa rāyaspoṣaminvati |
vasūyavo vasupatiṃ śatakratuṃ stomairindraṃ havāmahe
क॒दा च॒न प्र यु॑च्छस्यु॒भे नि पा॑सि॒ जन्म॑नी ।
तुरी॑यादित्य॒ हव॑नं त इन्द्रि॒यमा त॑स्थाव॒मृतं॑ दि॒वि
kadā cana pra yucchasyubhe ni pāsi janmanī |
turīyāditya havanaṃ ta indriyamā tasthāvamṛtaṃ divi
यस्मै॒ त्वं म॑घवन्निन्द्र गिर्वण॒ः शिक्षो॒ शिक्ष॑सि दा॒शुषे॑ ।
अ॒स्माकं॒ गिर॑ उ॒त सु॑ष्टु॒तिं व॑सो कण्व॒वच्छृ॑णुधी॒ हव॑म्
yasmai tvaṃ maghavannindra girvaṇaḥ śikṣo śikṣasi dāśuṣe |
asmākaṃ gira uta suṣṭutiṃ vaso kaṇvavacchṛṇudhī havam
अस्ता॑वि॒ मन्म॑ पू॒र्व्यं ब्रह्मेन्द्रा॑य वोचत ।
पू॒र्वीरृ॒तस्य॑ बृह॒तीर॑नूषत स्तो॒तुर्मे॒धा अ॑सृक्षत
astāvi manma pūrvyaṃ brahmendrāya vocata |
pūrvīrṛtasya bṛhatīranūṣata stoturmedhā asṛkṣata
समिन्द्रो॒ रायो॑ बृह॒तीर॑धूनुत॒ सं क्षो॒णी समु॒ सूर्य॑म् ।
सं शु॒क्रास॒ः शुच॑य॒ः सं गवा॑शिर॒ः सोमा॒ इन्द्र॑ममन्दिषुः
samindro rāyo bṛhatīradhūnuta saṃ kṣoṇī samu sūryam |
saṃ śukrāsaḥ śucayaḥ saṃ gavāśiraḥ somā indramamandiṣuḥ
Text source: Wikisource · CC BY-SA 4.0 (Wikisource transcription of a public-domain text)