Mandala 7

Sukta 81: Dawn, daughter of heaven, bring wealth

Rishi: मैत्रावरुणिर्वसिष्ठः · Devata: उषाः · Metre: प्रगाथः (बृहती, सतोबृहती)

6 verses · 81 of 104

What happens in this chapter

Dawn, daughter of heaven, bring wealth

The daughter of heaven is seen coming and shining, says Maharshi Vasishtha. She rolls up the great darkness so that we may see, and the gracious one makes light. The sun sends out the cows together with her, rising as a gleaming star. We wake to greet her, quick with our praise, she who brings much that is longed for, like treasure to the giver. He asks her for wondrous wealth, the most far-famed, and food for mortals to enjoy, with undying fame for the patrons.

81.1

प्रत्यु॑ अदर्श्याय॒त्यु१॒॑च्छन्ती॑ दुहि॒ता दि॒वः ।
अपो॒ महि॑ व्ययति॒ चक्ष॑से॒ तमो॒ ज्योति॑ष्कृणोति सू॒नरी॑

pratyu adarśyāyatyucchantī duhitā divaḥ |
apo mahi vyayati cakṣase tamo jyotiṣkṛṇoti sūnarī

81.2

उदु॒स्रिया॑ः सृजते॒ सूर्य॒ः सचाँ॑ उ॒द्यन्नक्ष॑त्रमर्चि॒वत् ।
तवेदु॑षो॒ व्युषि॒ सूर्य॑स्य च॒ सं भ॒क्तेन॑ गमेमहि

udusriyāḥ sṛjate sūryaḥ sacām̐ udyannakṣatramarcivat |
taveduṣo vyuṣi sūryasya ca saṃ bhaktena gamemahi

81.3

प्रति॑ त्वा दुहितर्दिव॒ उषो॑ जी॒रा अ॑भुत्स्महि ।
या वह॑सि पु॒रु स्पा॒र्हं व॑नन्वति॒ रत्नं॒ न दा॒शुषे॒ मय॑ः

prati tvā duhitardiva uṣo jīrā abhutsmahi |
yā vahasi puru spārhaṃ vananvati ratnaṃ na dāśuṣe mayaḥ

81.4

उ॒च्छन्ती॒ या कृ॒णोषि॑ मं॒हना॑ महि प्र॒ख्यै दे॑वि॒ स्व॑र्दृ॒शे ।
तस्या॑स्ते रत्न॒भाज॑ ईमहे व॒यं स्याम॑ मा॒तुर्न सू॒नव॑ः

ucchantī yā kṛṇoṣi maṃhanā mahi prakhyai devi svardṛśe |
tasyāste ratnabhāja īmahe vayaṃ syāma māturna sūnavaḥ

81.5

तच्चि॒त्रं राध॒ आ भ॒रोषो॒ यद्दी॑र्घ॒श्रुत्त॑मम् ।
यत्ते॑ दिवो दुहितर्मर्त॒भोज॑नं॒ तद्रा॑स्व भु॒नजा॑महै

taccitraṃ rādha ā bharoṣo yaddīrghaśruttamam |
yatte divo duhitarmartabhojanaṃ tadrāsva bhunajāmahai

81.6

श्रव॑ः सू॒रिभ्यो॑ अ॒मृतं॑ वसुत्व॒नं वाजाँ॑ अ॒स्मभ्यं॒ गोम॑तः ।
चो॒द॒यि॒त्री म॒घोन॑ः सू॒नृता॑वत्यु॒षा उ॑च्छ॒दप॒ स्रिध॑ः

śravaḥ sūribhyo amṛtaṃ vasutvanaṃ vājām̐ asmabhyaṃ gomataḥ |
codayitrī maghonaḥ sūnṛtāvatyuṣā ucchadapa sridhaḥ

Text source: Wikisource · CC BY-SA 4.0 (Wikisource transcription of a public-domain text)