इ॒मा उ॑ वां॒ दिवि॑ष्टय उ॒स्रा ह॑वन्ते अश्विना ।
अ॒यं वा॑म॒ह्वेऽव॑से शचीवसू॒ विशं॑विशं॒ हि गच्छ॑थः
imā u vāṃ diviṣṭaya usrā havante aśvinā |
ayaṃ vāmahve'vase śacīvasū viśaṃviśaṃ hi gacchathaḥ
Mandala 7
Sukta 74: Ashvins, drink the honeyed soma
Rishi: मैत्रावरुणिर्वसिष्ठः · Devata: अश्विनौ · Metre: प्रगाथः - (विषमा बृहती, समा सतोबृहती)
6 verses · 74 of 104
What happens in this chapter
Ashvins, drink the honeyed soma
Six verses in pragatha metre, where Maharshi Vasishtha says these morning invocations call the Ashvins, for they go to every home. They give wondrous food; let them urge it toward the one who speaks kindly, rein in their chariot and drink the soma honey. He asks them to come, adorn the rite and drink, to milk the milk, and not to neglect his people. Their swift horses bring them to the giver's house. Patrons who gain their help win fame and shelter, and dwell in good homes by their own strength.
यु॒वं चि॒त्रं द॑दथु॒र्भोज॑नं नरा॒ चोदे॑थां सू॒नृता॑वते ।
अ॒र्वाग्रथं॒ सम॑नसा॒ नि य॑च्छतं॒ पिब॑तं सो॒म्यं मधु॑
yuvaṃ citraṃ dadathurbhojanaṃ narā codethāṃ sūnṛtāvate |
arvāgrathaṃ samanasā ni yacchataṃ pibataṃ somyaṃ madhu
आ या॑त॒मुप॑ भूषतं॒ मध्व॑ः पिबतमश्विना ।
दु॒ग्धं पयो॑ वृषणा जेन्यावसू॒ मा नो॑ मर्धिष्ट॒मा ग॑तम्
ā yātamupa bhūṣataṃ madhvaḥ pibatamaśvinā |
dugdhaṃ payo vṛṣaṇā jenyāvasū mā no mardhiṣṭamā gatam
अश्वा॑सो॒ ये वा॒मुप॑ दा॒शुषो॑ गृ॒हं यु॒वां दीय॑न्ति॒ बिभ्र॑तः ।
म॒क्षू॒युभि॑र्नरा॒ हये॑भिरश्वि॒ना दे॑वा यातमस्म॒यू
aśvāso ye vāmupa dāśuṣo gṛhaṃ yuvāṃ dīyanti bibhrataḥ |
makṣūyubhirnarā hayebhiraśvinā devā yātamasmayū
अधा॑ ह॒ यन्तो॑ अ॒श्विना॒ पृक्ष॑ः सचन्त सू॒रय॑ः ।
ता यं॑सतो म॒घव॑द्भ्यो ध्रु॒वं यश॑श्छ॒र्दिर॒स्मभ्यं॒ नास॑त्या
adhā ha yanto aśvinā pṛkṣaḥ sacanta sūrayaḥ |
tā yaṃsato maghavadbhyo dhruvaṃ yaśaśchardirasmabhyaṃ nāsatyā
प्र ये य॒युर॑वृ॒कासो॒ रथा॑ इव नृपा॒तारो॒ जना॑नाम् ।
उ॒त स्वेन॒ शव॑सा शूशुवु॒र्नर॑ उ॒त क्षि॑यन्ति सुक्षि॒तिम्
pra ye yayuravṛkāso rathā iva nṛpātāro janānām |
uta svena śavasā śūśuvurnara uta kṣiyanti sukṣitim
Text source: Wikisource · CC BY-SA 4.0 (Wikisource transcription of a public-domain text)