Rishi: मैत्रावरुणिर्वसिष्ठः · Devata: १ मित्रावरुणौ, २ अग्निः, ३ विश्वे देवाः, ४ नद्यः · Metre: जगती, ४ अतिजगती शक्वरी वा
4 verses · 50 of 104
A prayer for protection by Vasishtha, each verse ending 'let not the sickness of the foot find me'. He asks Mitra and Varuna to guard him so that the creeping, nesting thing does not come; he puts away the ill-looking ajakava. If swelling arises in the joints and spreads round knees and ankles, let Agni burn it away. The poison that grows in the shalmali tree, in the rivers and in the plants, let all the gods drive it out. The rivers that run down slopes and up, with water or without, are asked to swell with milk and be kind goddesses, free of the shipada sickness.
आ मां मि॑त्रावरुणे॒ह र॑क्षतं कुला॒यय॑द्वि॒श्वय॒न्मा न॒ आ ग॑न् ।
अ॒ज॒का॒वं दु॒र्दृशी॑कं ति॒रो द॑धे॒ मा मां पद्ये॑न॒ रप॑सा विद॒त्त्सरु॑ः
ā māṃ mitrāvaruṇeha rakṣataṃ kulāyayadviśvayanmā na ā gan |
ajakāvaṃ durdṛśīkaṃ tiro dadhe mā māṃ padyena rapasā vidattsaruḥ
यद्वि॒जाम॒न्परु॑षि॒ वन्द॑नं॒ भुव॑दष्ठी॒वन्तौ॒ परि॑ कु॒ल्फौ च॒ देह॑त् ।
अ॒ग्निष्टच्छोच॒न्नप॑ बाधतामि॒तो मा मां पद्ये॑न॒ रप॑सा विद॒त्त्सरु॑ः
yadvijāmanparuṣi vandanaṃ bhuvadaṣṭhīvantau pari kulphau ca dehat |
agniṣṭacchocannapa bādhatāmito mā māṃ padyena rapasā vidattsaruḥ
यच्छ॑ल्म॒लौ भव॑ति॒ यन्न॒दीषु॒ यदोष॑धीभ्य॒ः परि॒ जाय॑ते वि॒षम् ।
विश्वे॑ दे॒वा निरि॒तस्तत्सु॑वन्तु॒ मा मां पद्ये॑न॒ रप॑सा विद॒त्त्सरु॑ः
yacchalmalau bhavati yannadīṣu yadoṣadhībhyaḥ pari jāyate viṣam |
viśve devā niritastatsuvantu mā māṃ padyena rapasā vidattsaruḥ
याः प्र॒वतो॑ नि॒वत॑ उ॒द्वत॑ उद॒न्वती॑रनुद॒काश्च॒ याः ।
ता अ॒स्मभ्यं॒ पय॑सा॒ पिन्व॑मानाः शि॒वा दे॒वीर॑शिप॒दा भ॑वन्तु॒ सर्वा॑ न॒द्यो॑ अशिमि॒दा भ॑वन्तु
yāḥ pravato nivata udvata udanvatīranudakāśca yāḥ |
tā asmabhyaṃ payasā pinvamānāḥ śivā devīraśipadā bhavantu sarvā nadyo aśimidā bhavantu
Text source: Wikisource · CC BY-SA 4.0 (Wikisource transcription of a public-domain text)
