स॒मु॒द्रज्ये॑ष्ठाः सलि॒लस्य॒ मध्या॑त्पुना॒ना य॒न्त्यनि॑विशमानाः ।
इन्द्रो॒ या व॒ज्री वृ॑ष॒भो र॒राद॒ ता आपो॑ दे॒वीरि॒ह माम॑वन्तु
samudrajyeṣṭhāḥ salilasya madhyātpunānā yantyaniviśamānāḥ |
indro yā vajrī vṛṣabho rarāda tā āpo devīriha māmavantu
Mandala 7
Sukta 49: May the divine Waters help me
Rishi: मैत्रावरुणिर्वसिष्ठः · Devata: आपः · Metre: त्रिष्टुप्
4 verses · 49 of 104
What happens in this chapter
May the divine Waters help me
Four verses by Vasishtha to the Waters, each ending 'may the divine Waters help me here'. With the ocean as their eldest, they flow from the middle of the flood, purifying, never resting; Indra, the vajra-bearing bull, cut their channels. They are the waters of heaven and those that flow, dug out or self-born, bright and purifying, whose goal is the sea. In their midst goes King Varuna, looking down on the truth and falsehood of men. In them Varuna, Soma and all the gods find strength and joy, and into them Agni Vaishvanara has entered.
या आपो॑ दि॒व्या उ॒त वा॒ स्रव॑न्ति ख॒नित्रि॑मा उ॒त वा॒ याः स्व॑यं॒जाः ।
स॒मु॒द्रार्था॒ याः शुच॑यः पाव॒कास्ता आपो॑ दे॒वीरि॒ह माम॑वन्तु
yā āpo divyā uta vā sravanti khanitrimā uta vā yāḥ svayaṃjāḥ |
samudrārthā yāḥ śucayaḥ pāvakāstā āpo devīriha māmavantu
यासां॒ राजा॒ वरु॑णो॒ याति॒ मध्ये॑ सत्यानृ॒ते अ॑व॒पश्य॒ञ्जना॑नाम् ।
म॒धु॒श्चुत॒ः शुच॑यो॒ याः पा॑व॒कास्ता आपो॑ दे॒वीरि॒ह माम॑वन्तु
yāsāṃ rājā varuṇo yāti madhye satyānṛte avapaśyañjanānām |
madhuścutaḥ śucayo yāḥ pāvakāstā āpo devīriha māmavantu
यासु॒ राजा॒ वरु॑णो॒ यासु॒ सोमो॒ विश्वे॑ दे॒वा यासूर्जं॒ मद॑न्ति ।
वै॒श्वा॒न॒रो यास्व॒ग्निः प्रवि॑ष्ट॒स्ता आपो॑ दे॒वीरि॒ह माम॑वन्तु
yāsu rājā varuṇo yāsu somo viśve devā yāsūrjaṃ madanti |
vaiśvānaro yāsvagniḥ praviṣṭastā āpo devīriha māmavantu
Text source: Wikisource · CC BY-SA 4.0 (Wikisource transcription of a public-domain text)