ऋभु॑क्षणो वाजा मा॒दय॑ध्वम॒स्मे न॑रो मघवानः सु॒तस्य॑ ।
आ वो॒ऽर्वाच॒ः क्रत॑वो॒ न या॒तां विभ्वो॒ रथं॒ नर्यं॑ वर्तयन्तु
ṛbhukṣaṇo vājā mādayadhvamasme naro maghavānaḥ sutasya |
ā vo'rvācaḥ kratavo na yātāṃ vibhvo rathaṃ naryaṃ vartayantu
Mandala 7
Sukta 48: Ribhus, Vibhvan and Vaja, rejoice with us
Rishi: मैत्रावरुणिर्वसिष्ठः · Devata: ऋभवः, ४ विश्वे देवा वा · Metre: त्रिष्टुप्
4 verses · 48 of 104
What happens in this chapter
Ribhus, Vibhvan and Vaja, rejoice with us
Vasishtha asks the Ribhus, the Vajas, generous heroes, to rejoice with us in the pressed Soma, and to turn their manly chariot toward us. 'May we, as Ribhus with the Ribhus and mighty with the mighty, overcome your strength with strength.' Let Vaja help us in the winning of prizes, and with Indra as ally may we pass beyond Vritra. By their rule they overcome many and strike down every foe in the close of battle; Indra, Vibhvan, Ribhukshan and Vaja crush the enemy's strength. The last verse, to all the gods, asks them to make wide room and give us food.
ऋ॒भुरृ॒भुभि॑र॒भि व॑ः स्याम॒ विभ्वो॑ वि॒भुभि॒ः शव॑सा॒ शवां॑सि ।
वाजो॑ अ॒स्माँ अ॑वतु॒ वाज॑साता॒विन्द्रे॑ण यु॒जा त॑रुषेम वृ॒त्रम्
ṛbhurṛbhubhirabhi vaḥ syāma vibhvo vibhubhiḥ śavasā śavāṃsi |
vājo asmām̐ avatu vājasātāvindreṇa yujā taruṣema vṛtram
ते चि॒द्धि पू॒र्वीर॒भि सन्ति॑ शा॒सा विश्वाँ॑ अ॒र्य उ॑प॒रता॑ति वन्वन् ।
इन्द्रो॒ विभ्वाँ॑ ऋभु॒क्षा वाजो॑ अ॒र्यः शत्रो॑र्मिथ॒त्या कृ॑णव॒न्वि नृ॒म्णम्
te ciddhi pūrvīrabhi santi śāsā viśvām̐ arya uparatāti vanvan |
indro vibhvām̐ ṛbhukṣā vājo aryaḥ śatrormithatyā kṛṇavanvi nṛmṇam
नू दे॑वासो॒ वरि॑वः कर्तना नो भू॒त नो॒ विश्वेऽव॑से स॒जोषा॑ः ।
सम॒स्मे इषं॒ वस॑वो ददीरन्यू॒यं पा॑त स्व॒स्तिभि॒ः सदा॑ नः
nū devāso varivaḥ kartanā no bhūta no viśve'vase sajoṣāḥ |
samasme iṣaṃ vasavo dadīranyūyaṃ pāta svastibhiḥ sadā naḥ
Text source: Wikisource · CC BY-SA 4.0 (Wikisource transcription of a public-domain text)