आपो॒ यं व॑ः प्रथ॒मं दे॑व॒यन्त॑ इन्द्र॒पान॑मू॒र्मिमकृ॑ण्वते॒ळः ।
तं वो॑ व॒यं शुचि॑मरि॒प्रम॒द्य घृ॑त॒प्रुषं॒ मधु॑मन्तं वनेम
āpo yaṃ vaḥ prathamaṃ devayanta indrapānamūrmimakṛṇvateḻaḥ |
taṃ vo vayaṃ śucimaripramadya ghṛtapruṣaṃ madhumantaṃ vanema
Mandala 7
Sukta 47: Hymn to the divine Waters
Rishi: मैत्रावरुणिर्वसिष्ठः · Devata: आपः · Metre: त्रिष्टुप्
4 verses · 47 of 104
What happens in this chapter
Hymn to the divine Waters
Vasishtha praises the Waters. That first wave of yours, which the god-seekers made into Indra's drink, pure, spotless, dripping ghee and full of honey, may we enjoy today. Let Apam Napat, the swift one, guard that sweetest wave in which Indra rejoices with the Vasus. The goddesses, purified a hundred ways, delighting in their own nature, go to the place of the gods and never break Indra's laws; offer the rivers a ghee-rich oblation. The waters the sun has spread with his rays, for whom Indra cut a path, are asked to give us wide room and to protect us always.
तमू॒र्मिमा॑पो॒ मधु॑मत्तमं वो॒ऽपां नपा॑दवत्वाशु॒हेमा॑ ।
यस्मि॒न्निन्द्रो॒ वसु॑भिर्मा॒दया॑ते॒ तम॑श्याम देव॒यन्तो॑ वो अ॒द्य
tamūrmimāpo madhumattamaṃ vo'pāṃ napādavatvāśuhemā |
yasminnindro vasubhirmādayāte tamaśyāma devayanto vo adya
श॒तप॑वित्राः स्व॒धया॒ मद॑न्तीर्दे॒वीर्दे॒वाना॒मपि॑ यन्ति॒ पाथ॑ः ।
ता इन्द्र॑स्य॒ न मि॑नन्ति व्र॒तानि॒ सिन्धु॑भ्यो ह॒व्यं घृ॒तव॑ज्जुहोत
śatapavitrāḥ svadhayā madantīrdevīrdevānāmapi yanti pāthaḥ |
tā indrasya na minanti vratāni sindhubhyo havyaṃ ghṛtavajjuhota
याः सूर्यो॑ र॒श्मिभि॑रात॒तान॒ याभ्य॒ इन्द्रो॒ अर॑दद्गा॒तुमू॒र्मिम् ।
ते सि॑न्धवो॒ वरि॑वो धातना नो यू॒यं पा॑त स्व॒स्तिभि॒ः सदा॑ नः
yāḥ sūryo raśmibhirātatāna yābhya indro aradadgātumūrmim |
te sindhavo varivo dhātanā no yūyaṃ pāta svastibhiḥ sadā naḥ
Text source: Wikisource · CC BY-SA 4.0 (Wikisource transcription of a public-domain text)