प्र व॒ इन्द्रा॑य॒ माद॑नं॒ हर्य॑श्वाय गायत ।
सखा॑यः सोम॒पाव्ने॑
pra va indrāya mādanaṃ haryaśvāya gāyata |
sakhāyaḥ somapāvne
Mandala 7
Sukta 31: Sing to the Soma-drinker, friends
Rishi: मैत्रावरुणिर्वसिष्ठः · Devata: इन्द्रः · Metre: गायत्री, १०-१२ विराट्
12 verses · 31 of 104
What happens in this chapter
Sing to the Soma-drinker, friends
Vasishtha calls his companions to sing a gladdening song to Indra of the bay horses, the Soma-drinker, in short gayatri verses closing in viraj. 'You seek horses for us, Shatakratu, you seek cattle and gold.' He asks not to be handed over to the reviler or the stingy, for his own will rests in Indra. Indra is a broad armour and a fighter in front; with him as ally the singer can answer anyone. Heaven and earth yield to his strength; the Marut-attended voice surrounds him, and the drops rise toward him in the sky. The wise do not break his vows, and the voices have made him their king.
शंसेदु॒क्थं सु॒दान॑व उ॒त द्यु॒क्षं यथा॒ नर॑ः ।
च॒कृ॒मा स॒त्यरा॑धसे
śaṃsedukthaṃ sudānava uta dyukṣaṃ yathā naraḥ |
cakṛmā satyarādhase
त्वं न॑ इन्द्र वाज॒युस्त्वं ग॒व्युः श॑तक्रतो ।
त्वं हि॑रण्य॒युर्व॑सो
tvaṃ na indra vājayustvaṃ gavyuḥ śatakrato |
tvaṃ hiraṇyayurvaso
व॒यमि॑न्द्र त्वा॒यवो॒ऽभि प्र णो॑नुमो वृषन् ।
वि॒द्धी त्व१॒॑स्य नो॑ वसो
vayamindra tvāyavo'bhi pra ṇonumo vṛṣan |
viddhī tvasya no vaso
मा नो॑ नि॒दे च॒ वक्त॑वे॒ऽर्यो र॑न्धी॒ररा॑व्णे ।
त्वे अपि॒ क्रतु॒र्मम॑
mā no nide ca vaktave'ryo randhīrarāvṇe |
tve api kraturmama
त्वं वर्मा॑सि स॒प्रथ॑ः पुरोयो॒धश्च॑ वृत्रहन् ।
त्वया॒ प्रति॑ ब्रुवे यु॒जा
tvaṃ varmāsi saprathaḥ puroyodhaśca vṛtrahan |
tvayā prati bruve yujā
म॒हाँ उ॒तासि॒ यस्य॒ तेऽनु॑ स्व॒धाव॑री॒ सह॑ः ।
म॒म्नाते॑ इन्द्र॒ रोद॑सी
mahām̐ utāsi yasya te'nu svadhāvarī sahaḥ |
mamnāte indra rodasī
तं त्वा॑ म॒रुत्व॑ती॒ परि॒ भुव॒द्वाणी॑ स॒याव॑री ।
नक्ष॑माणा स॒ह द्युभि॑ः
taṃ tvā marutvatī pari bhuvadvāṇī sayāvarī |
nakṣamāṇā saha dyubhiḥ
ऊ॒र्ध्वास॒स्त्वान्विन्द॑वो॒ भुव॑न्द॒स्ममुप॒ द्यवि॑ ।
सं ते॑ नमन्त कृ॒ष्टय॑ः
ūrdhvāsastvānvindavo bhuvandasmamupa dyavi |
saṃ te namanta kṛṣṭayaḥ
प्र वो॑ म॒हे म॑हि॒वृधे॑ भरध्वं॒ प्रचे॑तसे॒ प्र सु॑म॒तिं कृ॑णुध्वम् ।
विश॑ः पू॒र्वीः प्र च॑रा चर्षणि॒प्राः
pra vo mahe mahivṛdhe bharadhvaṃ pracetase pra sumatiṃ kṛṇudhvam |
viśaḥ pūrvīḥ pra carā carṣaṇiprāḥ
उ॒रु॒व्यच॑से म॒हिने॑ सुवृ॒क्तिमिन्द्रा॑य॒ ब्रह्म॑ जनयन्त॒ विप्रा॑ः ।
तस्य॑ व्र॒तानि॒ न मि॑नन्ति॒ धीरा॑ः
uruvyacase mahine suvṛktimindrāya brahma janayanta viprāḥ |
tasya vratāni na minanti dhīrāḥ
इन्द्रं॒ वाणी॒रनु॑त्तमन्युमे॒व स॒त्रा राजा॑नं दधिरे॒ सह॑ध्यै ।
हर्य॑श्वाय बर्हया॒ समा॒पीन्
indraṃ vāṇīranuttamanyumeva satrā rājānaṃ dadhire sahadhyai |
haryaśvāya barhayā samāpīn
Text source: Wikisource · CC BY-SA 4.0 (Wikisource transcription of a public-domain text)