अ॒यं सोम॑ इन्द्र॒ तुभ्यं॑ सुन्व॒ आ तु प्र या॑हि हरिव॒स्तदो॑काः ।
पिबा॒ त्व१॒॑स्य सुषु॑तस्य॒ चारो॒र्ददो॑ म॒घानि॑ मघवन्निया॒नः
ayaṃ soma indra tubhyaṃ sunva ā tu pra yāhi harivastadokāḥ |
pibā tvasya suṣutasya cārordado maghāni maghavanniyānaḥ
Mandala 7
Sukta 29: Indra, a father who hears us
Rishi: मैत्रावरुणिर्वसिष्ठः · Devata: इन्द्रः · Metre: त्रिष्टुप्
5 verses · 29 of 104
What happens in this chapter
Indra, a father who hears us
The Soma is pressed for Indra, says Vasishtha; let the lord of bay horses come to his home here, drink the well-pressed drink and give bounty when asked. Let the hero who loves prayer come quickly and hear these hymns at this pressing. Then the singer asks, almost in wonder, what fitting service he can give with his hymns, and when he may at last offer to him; he has stretched every thought toward Indra. 'Those rishis of old whom you heard were men too. So I call on you again and again, Maghavan, for you are our provider, like a father.' The hymn ends with the refrain of praise.
ब्रह्म॑न्वीर॒ ब्रह्म॑कृतिं जुषा॒णो॑ऽर्वाची॒नो हरि॑भिर्याहि॒ तूय॑म् ।
अ॒स्मिन्नू॒ षु सव॑ने मादय॒स्वोप॒ ब्रह्मा॑णि शृणव इ॒मा न॑ः
brahmanvīra brahmakṛtiṃ juṣāṇo'rvācīno haribhiryāhi tūyam |
asminnū ṣu savane mādayasvopa brahmāṇi śṛṇava imā naḥ
का ते॑ अ॒स्त्यरं॑कृतिः सू॒क्तैः क॒दा नू॒नं ते॑ मघवन्दाशेम ।
विश्वा॑ म॒तीरा त॑तने त्वा॒याधा॑ म इन्द्र शृणवो॒ हवे॒मा
kā te astyaraṃkṛtiḥ sūktaiḥ kadā nūnaṃ te maghavandāśema |
viśvā matīrā tatane tvāyādhā ma indra śṛṇavo havemā
उ॒तो घा॒ ते पु॑रु॒ष्या॒३॒॑ इदा॑स॒न्येषां॒ पूर्वे॑षा॒मशृ॑णो॒रृषी॑णाम् ।
अधा॒हं त्वा॑ मघवञ्जोहवीमि॒ त्वं न॑ इन्द्रासि॒ प्रम॑तिः पि॒तेव॑
uto ghā te puruṣyā idāsanyeṣāṃ pūrveṣāmaśṛṇorṛṣīṇām |
adhāhaṃ tvā maghavañjohavīmi tvaṃ na indrāsi pramatiḥ piteva
वो॒चेमेदिन्द्रं॑ म॒घवा॑नमेनं म॒हो रा॒यो राध॑सो॒ यद्दद॑न्नः ।
यो अर्च॑तो॒ ब्रह्म॑कृति॒मवि॑ष्ठो यू॒यं पा॑त स्व॒स्तिभि॒ः सदा॑ नः
vocemedindraṃ maghavānamenaṃ maho rāyo rādhaso yaddadannaḥ |
yo arcato brahmakṛtimaviṣṭho yūyaṃ pāta svastibhiḥ sadā naḥ
Text source: Wikisource · CC BY-SA 4.0 (Wikisource transcription of a public-domain text)