Rishi: मैत्रावरुणिर्वसिष्ठः · Devata: इन्द्रः · Metre: त्रिष्टुप्
5 verses · 28 of 104
Vasishtha asks Indra to come knowing to the prayers, his bays yoked toward us; all mortals call him, but let him hear us. His greatness has filled the call when he guards the prayer of the rishis; fierce, he was born unconquerable with the vajra in his hand. Born for great dominion and strength, he leads men and has heaped up the unconquered. The rishi asks Indra's gifts in these days, for hostile peoples are swelling. Then a plain confession: Varuna, the master of maya, sees the falsehood in us, sinless though we would be, and may he set it free twice over. The refrain ends the hymn.
ब्रह्मा॑ ण इ॒न्द्रोप॑ याहि वि॒द्वान॒र्वाञ्च॑स्ते॒ हर॑यः सन्तु यु॒क्ताः ।
विश्वे॑ चि॒द्धि त्वा॑ वि॒हव॑न्त॒ मर्ता॑ अ॒स्माक॒मिच्छृ॑णुहि विश्वमिन्व
brahmā ṇa indropa yāhi vidvānarvāñcaste harayaḥ santu yuktāḥ |
viśve ciddhi tvā vihavanta martā asmākamicchṛṇuhi viśvaminva
हवं॑ त इन्द्र महि॒मा व्या॑न॒ड्ब्रह्म॒ यत्पासि॑ शवसि॒न्नृषी॑णाम् ।
आ यद्वज्रं॑ दधि॒षे हस्त॑ उग्र घो॒रः सन्क्रत्वा॑ जनिष्ठा॒ अषा॑ळ्हः
havaṃ ta indra mahimā vyānaḍbrahma yatpāsi śavasinnṛṣīṇām |
ā yadvajraṃ dadhiṣe hasta ugra ghoraḥ sankratvā janiṣṭhā aṣāḻhaḥ
तव॒ प्रणी॑तीन्द्र॒ जोहु॑वाना॒न्सं यन्नॄन्न रोद॑सी नि॒नेथ॑ ।
म॒हे क्ष॒त्राय॒ शव॑से॒ हि ज॒ज्ञेऽतू॑तुजिं चि॒त्तूतु॑जिरशिश्नत्
tava praṇītīndra johuvānānsaṃ yannṝnna rodasī ninetha |
mahe kṣatrāya śavase hi jajñe'tūtujiṃ cittūtujiraśiśnat
ए॒भिर्न॑ इ॒न्द्राह॑भिर्दशस्य दुर्मि॒त्रासो॒ हि क्षि॒तय॒ः पव॑न्ते ।
प्रति॒ यच्चष्टे॒ अनृ॑तमने॒ना अव॑ द्वि॒ता वरु॑णो मा॒यी न॑ः सात्
ebhirna indrāhabhirdaśasya durmitrāso hi kṣitayaḥ pavante |
prati yaccaṣṭe anṛtamanenā ava dvitā varuṇo māyī naḥ sāt
वो॒चेमेदिन्द्रं॑ म॒घवा॑नमेनं म॒हो रा॒यो राध॑सो॒ यद्दद॑न्नः ।
यो अर्च॑तो॒ ब्रह्म॑कृति॒मवि॑ष्ठो यू॒यं पा॑त स्व॒स्तिभि॒ः सदा॑ नः
vocemedindraṃ maghavānamenaṃ maho rāyo rādhaso yaddadannaḥ |
yo arcato brahmakṛtimaviṣṭho yūyaṃ pāta svastibhiḥ sadā naḥ
Text source: Wikisource · CC BY-SA 4.0 (Wikisource transcription of a public-domain text)
