इन्द्रं॒ नरो॑ ने॒मधि॑ता हवन्ते॒ यत्पार्या॑ यु॒नज॑ते॒ धिय॒स्ताः ।
शूरो॒ नृषा॑ता॒ शव॑सश्चका॒न आ गोम॑ति व्र॒जे भ॑जा॒ त्वं न॑ः
indraṃ naro nemadhitā havante yatpāryā yunajate dhiyastāḥ |
śūro nṛṣātā śavasaścakāna ā gomati vraje bhajā tvaṃ naḥ
Mandala 7
Sukta 27: Indra, king of all that moves
Rishi: मैत्रावरुणिर्वसिष्ठः · Devata: इन्द्रः · Metre: त्रिष्टुप्
5 verses · 27 of 104
What happens in this chapter
Indra, king of all that moves
Men call on Indra when battle is joined, sings Vasishtha, when they yoke the prayers that carry them across. He asks the hero to give them a share in a pen full of cattle and to open the bounty that lies shut away, for Indra breaks what is firm. Indra is king of the moving world and of the peoples, of every form on earth, and from it he gives wealth to the worshipper. His gift never falls short. The rishi asks Indra to make wide room for wealth so that the people may turn his mind to giving, and to send horses, cattle and chariots.
य इ॑न्द्र॒ शुष्मो॑ मघवन्ते॒ अस्ति॒ शिक्षा॒ सखि॑भ्यः पुरुहूत॒ नृभ्य॑ः ।
त्वं हि दृ॒ळ्हा म॑घव॒न्विचे॑ता॒ अपा॑ वृधि॒ परि॑वृतं॒ न राध॑ः
ya indra śuṣmo maghavante asti śikṣā sakhibhyaḥ puruhūta nṛbhyaḥ |
tvaṃ hi dṛḻhā maghavanvicetā apā vṛdhi parivṛtaṃ na rādhaḥ
इन्द्रो॒ राजा॒ जग॑तश्चर्षणी॒नामधि॒ क्षमि॒ विषु॑रूपं॒ यदस्ति॑ ।
ततो॑ ददाति दा॒शुषे॒ वसू॑नि॒ चोद॒द्राध॒ उप॑स्तुतश्चिद॒र्वाक्
indro rājā jagataścarṣaṇīnāmadhi kṣami viṣurūpaṃ yadasti |
tato dadāti dāśuṣe vasūni codadrādha upastutaścidarvāk
नू चि॑न्न॒ इन्द्रो॑ म॒घवा॒ सहू॑ती दा॒नो वाजं॒ नि य॑मते न ऊ॒ती ।
अनू॑ना॒ यस्य॒ दक्षि॑णा पी॒पाय॑ वा॒मं नृभ्यो॑ अ॒भिवी॑ता॒ सखि॑भ्यः
nū cinna indro maghavā sahūtī dāno vājaṃ ni yamate na ūtī |
anūnā yasya dakṣiṇā pīpāya vāmaṃ nṛbhyo abhivītā sakhibhyaḥ
नू इ॑न्द्र रा॒ये वरि॑वस्कृधी न॒ आ ते॒ मनो॑ ववृत्याम म॒घाय॑ ।
गोम॒दश्वा॑व॒द्रथ॑व॒द्व्यन्तो॑ यू॒यं पा॑त स्व॒स्तिभि॒ः सदा॑ नः
nū indra rāye varivaskṛdhī na ā te mano vavṛtyāma maghāya |
gomadaśvāvadrathavadvyanto yūyaṃ pāta svastibhiḥ sadā naḥ
Text source: Wikisource · CC BY-SA 4.0 (Wikisource transcription of a public-domain text)