उ॒षो न जा॒रः पृ॒थु पाजो॑ अश्रे॒द्दवि॑द्युत॒द्दीद्य॒च्छोशु॑चानः ।
वृषा॒ हरि॒ः शुचि॒रा भा॑ति भा॒सा धियो॑ हिन्वा॒न उ॑श॒तीर॑जीगः
uṣo na jāraḥ pṛthu pājo aśreddavidyutaddīdyacchośucānaḥ |
vṛṣā hariḥ śucirā bhāti bhāsā dhiyo hinvāna uśatīrajīgaḥ
Mandala 7
Sukta 10: Agni bright as the sun at dawn
Rishi: मैत्रावरुणिर्वसिष्ठः · Devata: अग्निः · Metre: त्रिष्टुप्
5 verses · 10 of 104
What happens in this chapter
Agni bright as the sun at dawn
Like the lover of Dawn, Agni spreads his broad glow, flashing and blazing; the tawny bull shines with his light and wakes the eager prayers. He has shone like the sun at the break of day, knowing all the births of the gods, the swift messenger who goes to them. Songs seeking the gods go to him begging wealth, the fair-faced bearer of offerings to men. Vasishtha asks him to bring Indra with the Vasus, Rudra with the Rudras, Aditi with the Adityas, and Brihaspati with the singers. The clans praise him at every rite as the youngest, tireless envoy.
स्व१॒॑र्ण वस्तो॑रु॒षसा॑मरोचि य॒ज्ञं त॑न्वा॒ना उ॒शिजो॒ न मन्म॑ ।
अ॒ग्निर्जन्मा॑नि दे॒व आ वि वि॒द्वान्द्र॒वद्दू॒तो दे॑व॒यावा॒ वनि॑ष्ठः
svarṇa vastoruṣasāmaroci yajñaṃ tanvānā uśijo na manma |
agnirjanmāni deva ā vi vidvāndravaddūto devayāvā vaniṣṭhaḥ
अच्छा॒ गिरो॑ म॒तयो॑ देव॒यन्ती॑र॒ग्निं य॑न्ति॒ द्रवि॑णं॒ भिक्ष॑माणाः ।
सु॒सं॒दृशं॑ सु॒प्रती॑कं॒ स्वञ्चं॑ हव्य॒वाह॑मर॒तिं मानु॑षाणाम्
acchā giro matayo devayantīragniṃ yanti draviṇaṃ bhikṣamāṇāḥ |
susaṃdṛśaṃ supratīkaṃ svañcaṃ havyavāhamaratiṃ mānuṣāṇām
इन्द्रं॑ नो अग्ने॒ वसु॑भिः स॒जोषा॑ रु॒द्रं रु॒द्रेभि॒रा व॑हा बृ॒हन्त॑म् ।
आ॒दि॒त्येभि॒रदि॑तिं वि॒श्वज॑न्यां॒ बृह॒स्पति॒मृक्व॑भिर्वि॒श्ववा॑रम्
indraṃ no agne vasubhiḥ sajoṣā rudraṃ rudrebhirā vahā bṛhantam |
ādityebhiraditiṃ viśvajanyāṃ bṛhaspatimṛkvabhirviśvavāram
म॒न्द्रं होता॑रमु॒शिजो॒ यवि॑ष्ठम॒ग्निं विश॑ ईळते अध्व॒रेषु॑ ।
स हि क्षपा॑वाँ॒ अभ॑वद्रयी॒णामत॑न्द्रो दू॒तो य॒जथा॑य दे॒वान्
mandraṃ hotāramuśijo yaviṣṭhamagniṃ viśa īḻate adhvareṣu |
sa hi kṣapāvām̐ abhavadrayīṇāmatandro dūto yajathāya devān
Text source: Wikisource · CC BY-SA 4.0 (Wikisource transcription of a public-domain text)