Mandala 6

Sukta 11: Agni, worship your own body

Rishi: बार्हस्पत्यो भरद्वाजः · Devata: अग्निः · Metre: त्रिष्टुप्

6 verses · 11 of 75

What happens in this chapter

Agni, worship your own body

Bharadvaja, son of Brihaspati, urges Agni in trishtubh to sacrifice as the most skilled hotar and to bring Mitra, Varuna, the Nasatyas, Heaven and Earth. Agni is the most gladdening priest, free of deceit, a god among mortals at the rites; with his pure ladle-tongue he is asked to worship even his own body. The five peoples anoint Agni with reverence as they would a guest. The rishi has twisted the grass, raised the ladle full of ghee, and the rite now stands firm like the eye in the sun. He asks to pass beyond distress as through a pen of enemies.

11.1

यज॑स्व होतरिषि॒तो यजी॑या॒नग्ने॒ बाधो॑ म॒रुतां॒ न प्रयु॑क्ति ।
आ नो॑ मि॒त्रावरु॑णा॒ नास॑त्या॒ द्यावा॑ हो॒त्राय॑ पृथि॒वी व॑वृत्याः

yajasva hotariṣito yajīyānagne bādho marutāṃ na prayukti |
ā no mitrāvaruṇā nāsatyā dyāvā hotrāya pṛthivī vavṛtyāḥ

11.2

त्वं होता॑ म॒न्द्रत॑मो नो अ॒ध्रुग॒न्तर्दे॒वो वि॒दथा॒ मर्त्ये॑षु ।
पा॒व॒कया॑ जु॒ह्वा॒३॒॑ वह्नि॑रा॒साग्ने॒ यज॑स्व त॒न्वं१॒॑ तव॒ स्वाम्

tvaṃ hotā mandratamo no adhrugantardevo vidathā martyeṣu |
pāvakayā juhvā vahnirāsāgne yajasva tanvaṃ tava svām

11.3

धन्या॑ चि॒द्धि त्वे धि॒षणा॒ वष्टि॒ प्र दे॒वाञ्जन्म॑ गृण॒ते यज॑ध्यै ।
वेपि॑ष्ठो॒ अङ्गि॑रसां॒ यद्ध॒ विप्रो॒ मधु॑ च्छ॒न्दो भन॑ति रे॒भ इ॒ष्टौ

dhanyā ciddhi tve dhiṣaṇā vaṣṭi pra devāñjanma gṛṇate yajadhyai |
vepiṣṭho aṅgirasāṃ yaddha vipro madhu cchando bhanati rebha iṣṭau

11.4

अदि॑द्युत॒त्स्वपा॑को वि॒भावाग्ने॒ यज॑स्व॒ रोद॑सी उरू॒ची ।
आ॒युं न यं नम॑सा रा॒तह॑व्या अ॒ञ्जन्ति॑ सुप्र॒यसं॒ पञ्च॒ जना॑ः

adidyutatsvapāko vibhāvāgne yajasva rodasī urūcī |
āyuṃ na yaṃ namasā rātahavyā añjanti suprayasaṃ pañca janāḥ

11.5

वृ॒ञ्जे ह॒ यन्नम॑सा ब॒र्हिर॒ग्नावया॑मि॒ स्रुग्घृ॒तव॑ती सुवृ॒क्तिः ।
अम्य॑क्षि॒ सद्म॒ सद॑ने पृथि॒व्या अश्रा॑यि य॒ज्ञः सूर्ये॒ न चक्षु॑ः

vṛñje ha yannamasā barhiragnāvayāmi srugghṛtavatī suvṛktiḥ |
amyakṣi sadma sadane pṛthivyā aśrāyi yajñaḥ sūrye na cakṣuḥ

11.6

द॒श॒स्या न॑ः पुर्वणीक होतर्दे॒वेभि॑रग्ने अ॒ग्निभि॑रिधा॒नः ।
रा॒यः सू॑नो सहसो वावसा॒ना अति॑ स्रसेम वृ॒जनं॒ नांह॑ः

daśasyā naḥ purvaṇīka hotardevebhiragne agnibhiridhānaḥ |
rāyaḥ sūno sahaso vāvasānā ati srasema vṛjanaṃ nāṃhaḥ

Text source: Wikisource · CC BY-SA 4.0 (Wikisource transcription of a public-domain text)