इन्द्रा॑ग्नी॒ यमव॑थ उ॒भा वाजे॑षु॒ मर्त्य॑म् ।
दृ॒ळ्हा चि॒त्स प्र भे॑दति द्यु॒म्ना वाणी॑रिव त्रि॒तः
indrāgnī yamavatha ubhā vājeṣu martyam |
dṛḻhā citsa pra bhedati dyumnā vāṇīriva tritaḥ
Mandala 5
Sukta 86: Indra and Agni, unbeaten in battle
Rishi: भौमोऽत्रिः · Devata: इन्द्राग्नी · Metre: अनुष्टुप्, ६ विराट्पूर्वा
6 verses · 86 of 87
What happens in this chapter
Indra and Agni, unbeaten in battle
Atri Bhauma praises Indra and Agni together in Anushtubh, closing with a Viraj verse. The mortal whom they both help in contests breaks even strong defences, as Trita broke through. We call the two who are hard to overcome in battle, famed in the winning of prizes, who rule over the five peoples. The rishi calls them for the speed of chariots, lords of quick bounty, most worthy of song. The offering has been made to Indra and Agni like ghee purified by the pressing stones; may they grant fame, wealth and food to the singers.
या पृत॑नासु दु॒ष्टरा॒ या वाजे॑षु श्र॒वाय्या॑ ।
या पञ्च॑ चर्ष॒णीर॒भी॑न्द्रा॒ग्नी ता ह॑वामहे
yā pṛtanāsu duṣṭarā yā vājeṣu śravāyyā |
yā pañca carṣaṇīrabhīndrāgnī tā havāmahe
तयो॒रिदम॑व॒च्छव॑स्ति॒ग्मा दि॒द्युन्म॒घोनो॑ः ।
प्रति॒ द्रुणा॒ गभ॑स्त्यो॒र्गवां॑ वृत्र॒घ्न एष॑ते
tayoridamavacchavastigmā didyunmaghonoḥ |
prati druṇā gabhastyorgavāṃ vṛtraghna eṣate
ता वा॒मेषे॒ रथा॑नामिन्द्रा॒ग्नी ह॑वामहे ।
पती॑ तु॒रस्य॒ राध॑सो वि॒द्वांसा॒ गिर्व॑णस्तमा
tā vāmeṣe rathānāmindrāgnī havāmahe |
patī turasya rādhaso vidvāṃsā girvaṇastamā
ता वृ॒धन्ता॒वनु॒ द्यून्मर्ता॑य दे॒वाव॒दभा॑ ।
अर्ह॑न्ता चित्पु॒रो द॒धेंऽशे॑व दे॒वावर्व॑ते
tā vṛdhantāvanu dyūnmartāya devāvadabhā |
arhantā citpuro dadheṃ'śeva devāvarvate
ए॒वेन्द्रा॒ग्निभ्या॒महा॑वि ह॒व्यं शू॒ष्यं॑ घृ॒तं न पू॒तमद्रि॑भिः ।
ता सू॒रिषु॒ श्रवो॑ बृ॒हद्र॒यिं गृ॒णत्सु॑ दिधृत॒मिषं॑ गृ॒णत्सु॑ दिधृतम्
evendrāgnibhyāmahāvi havyaṃ śūṣyaṃ ghṛtaṃ na pūtamadribhiḥ |
tā sūriṣu śravo bṛhadrayiṃ gṛṇatsu didhṛtamiṣaṃ gṛṇatsu didhṛtam
Text source: Wikisource · CC BY-SA 4.0 (Wikisource transcription of a public-domain text)