Rishi: उरुचक्रिरात्रेयः · Devata: मित्रावरुणौ · Metre: त्रिष्टुप्
4 verses · 69 of 87
Urucakri Atreya praises Mitra and Varuna in Trishtubh, four verses. They uphold three bright realms, three heavens and three spaces, guarding the unaging vow of kingly rule. For them the cows give refreshing milk and the rivers flow with honey. Three bulls stand firm, seed-bearers of the three bowls. The rishi calls goddess Aditi at dawn, at noon and at sunrise, and Mitra-Varuna for wealth and well-being, for children and grandchildren. The last verse declares that not even the immortal Devas can break the fixed vows of Mitra and Varuna.
त्री रो॑च॒ना व॑रुण॒ त्रीँरु॒त द्यून्त्रीणि॑ मित्र धारयथो॒ रजां॑सि ।
वा॒वृ॒धा॒नाव॒मतिं॑ क्ष॒त्रिय॒स्यानु॑ व्र॒तं रक्ष॑माणावजु॒र्यम्
trī rocanā varuṇa trīm̐ruta dyūntrīṇi mitra dhārayatho rajāṃsi |
vāvṛdhānāvamatiṃ kṣatriyasyānu vrataṃ rakṣamāṇāvajuryam
इरा॑वतीर्वरुण धे॒नवो॑ वां॒ मधु॑मद्वां॒ सिन्ध॑वो मित्र दुह्रे ।
त्रय॑स्तस्थुर्वृष॒भास॑स्तिसृ॒णां धि॒षणा॑नां रेतो॒धा वि द्यु॒मन्त॑ः
irāvatīrvaruṇa dhenavo vāṃ madhumadvāṃ sindhavo mitra duhre |
trayastasthurvṛṣabhāsastisṛṇāṃ dhiṣaṇānāṃ retodhā vi dyumantaḥ
प्रा॒तर्दे॒वीमदि॑तिं जोहवीमि म॒ध्यंदि॑न॒ उदि॑ता॒ सूर्य॑स्य ।
रा॒ये मि॑त्रावरुणा स॒र्वता॒तेळे॑ तो॒काय॒ तन॑याय॒ शं योः
prātardevīmaditiṃ johavīmi madhyaṃdina uditā sūryasya |
rāye mitrāvaruṇā sarvatāteḻe tokāya tanayāya śaṃ yoḥ
या ध॒र्तारा॒ रज॑सो रोच॒नस्यो॒तादि॒त्या दि॒व्या पार्थि॑वस्य ।
न वां॑ दे॒वा अ॒मृता॒ आ मि॑नन्ति व्र॒तानि॑ मित्रावरुणा ध्रु॒वाणि॑
yā dhartārā rajaso rocanasyotādityā divyā pārthivasya |
na vāṃ devā amṛtā ā minanti vratāni mitrāvaruṇā dhruvāṇi
Text source: Wikisource · CC BY-SA 4.0 (Wikisource transcription of a public-domain text)
