इ॒मं नो॑ य॒ज्ञम॒मृते॑षु धेही॒मा ह॒व्या जा॑तवेदो जुषस्व ।
स्तो॒काना॑मग्ने॒ मेद॑सो घृ॒तस्य॒ होत॒ः प्राशा॑न प्रथ॒मो नि॒षद्य॑
imaṃ no yajñamamṛteṣu dhehīmā havyā jātavedo juṣasva |
stokānāmagne medaso ghṛtasya hotaḥ prāśāna prathamo niṣadya
Mandala 3
Sukta 21: Drops of fat for Agni
Rishi: गाथी कौशिकः · Devata: अग्निः · Metre: १ त्रिष्टुप्, २-३ अनुष्टुप्, ४ विराड्रूपा, ५ सतोबृहती
5 verses · 21 of 62
What happens in this chapter
Drops of fat for Agni
A short hymn of Gathi Kaushika to Agni in mixed metres, spoken over the offering of fat at the animal rite. Agni is asked to set this yajna among the immortals and, seated first as hotar, to taste the drops of fat and ghee. The drops drip for him, the purifier, for the feasting of the devas; he is called the best rishi when kindled and protector of the rite. The fat, the strongest part taken from the middle, is offered to him, and the drops falling on his skin are to be taken to each deva in turn.
घृ॒तव॑न्तः पावक ते स्तो॒काः श्चो॑तन्ति॒ मेद॑सः ।
स्वध॑र्मन्दे॒ववी॑तये॒ श्रेष्ठं॑ नो धेहि॒ वार्य॑म्
ghṛtavantaḥ pāvaka te stokāḥ ścotanti medasaḥ |
svadharmandevavītaye śreṣṭhaṃ no dhehi vāryam
तुभ्यं॑ स्तो॒का घृ॑त॒श्चुतोऽग्ने॒ विप्रा॑य सन्त्य ।
ऋषि॒ः श्रेष्ठ॒ः समि॑ध्यसे य॒ज्ञस्य॑ प्रावि॒ता भ॑व
tubhyaṃ stokā ghṛtaścuto'gne viprāya santya |
ṛṣiḥ śreṣṭhaḥ samidhyase yajñasya prāvitā bhava
तुभ्यं॑ श्चोतन्त्यध्रिगो शचीवः स्तो॒कासो॑ अग्ने॒ मेद॑सो घृ॒तस्य॑ ।
क॒वि॒श॒स्तो बृ॑ह॒ता भा॒नुनागा॑ ह॒व्या जु॑षस्व मेधिर
tubhyaṃ ścotantyadhrigo śacīvaḥ stokāso agne medaso ghṛtasya |
kaviśasto bṛhatā bhānunāgā havyā juṣasva medhira
ओजि॑ष्ठं ते मध्य॒तो मेद॒ उद्भृ॑तं॒ प्र ते॑ व॒यं द॑दामहे ।
श्चोत॑न्ति ते वसो स्तो॒का अधि॑ त्व॒चि प्रति॒ तान्दे॑व॒शो वि॑हि
ojiṣṭhaṃ te madhyato meda udbhṛtaṃ pra te vayaṃ dadāmahe |
ścotanti te vaso stokā adhi tvaci prati tāndevaśo vihi
Text source: Wikisource · CC BY-SA 4.0 (Wikisource transcription of a public-domain text)