अ॒यं सो अ॒ग्निर्यस्मि॒न्सोम॒मिन्द्र॑ः सु॒तं द॒धे ज॒ठरे॑ वावशा॒नः ।
स॒ह॒स्रिणं॒ वाज॒मत्यं॒ न सप्तिं॑ सस॒वान्सन्स्तू॑यसे जातवेदः
ayaṃ so agniryasminsomamindraḥ sutaṃ dadhe jaṭhare vāvaśānaḥ |
sahasriṇaṃ vājamatyaṃ na saptiṃ sasavānsanstūyase jātavedaḥ
Mandala 3
Sukta 22: Agni's light in heaven, earth and waters
Rishi: गाथी कौशिकः · Devata: अग्निः, ४ पुरीष्यः अग्नयः · Metre: त्रिष्टुप्, ४ अनुष्टुप्
5 verses · 22 of 62
What happens in this chapter
Agni's light in heaven, earth and waters
Gathi Kaushika's hymn to Agni in trishtubh, with one anushtubh verse to the Purishya fires. This is the Agni in whom Indra took the pressed Soma into his belly. Agni's splendour is in heaven and on earth, in the plants and in the waters; with it he spread the wide air, a bright flood that watches over men. He goes to the flood of heaven and calls the devas, and the waters above the sun and those below come to him. The Purishya fires, from the streams, are asked to enjoy the rite, and the hymn closes with the refrain for cattle and an heir.
अग्ने॒ यत्ते॑ दि॒वि वर्च॑ः पृथि॒व्यां यदोष॑धीष्व॒प्स्वा य॑जत्र ।
येना॒न्तरि॑क्षमु॒र्वा॑त॒तन्थ॑ त्वे॒षः स भा॒नुर॑र्ण॒वो नृ॒चक्षा॑ः
agne yatte divi varcaḥ pṛthivyāṃ yadoṣadhīṣvapsvā yajatra |
yenāntarikṣamurvātatantha tveṣaḥ sa bhānurarṇavo nṛcakṣāḥ
अग्ने॑ दि॒वो अर्ण॒मच्छा॑ जिगा॒स्यच्छा॑ दे॒वाँ ऊ॑चिषे॒ धिष्ण्या॒ ये ।
या रो॑च॒ने प॒रस्ता॒त्सूर्य॑स्य॒ याश्चा॒वस्ता॑दुप॒तिष्ठ॑न्त॒ आप॑ः
agne divo arṇamacchā jigāsyacchā devām̐ ūciṣe dhiṣṇyā ye |
yā rocane parastātsūryasya yāścāvastādupatiṣṭhanta āpaḥ
पु॒री॒ष्या॑सो अ॒ग्नय॑ः प्राव॒णेभि॑ः स॒जोष॑सः ।
जु॒षन्तां॑ य॒ज्ञम॒द्रुहो॑ऽनमी॒वा इषो॑ म॒हीः
purīṣyāso agnayaḥ prāvaṇebhiḥ sajoṣasaḥ |
juṣantāṃ yajñamadruho'namīvā iṣo mahīḥ
इळा॑मग्ने पुरु॒दंसं॑ स॒निं गोः श॑श्वत्त॒मं हव॑मानाय साध ।
स्यान्न॑ः सू॒नुस्तन॑यो वि॒जावाग्ने॒ सा ते॑ सुम॒तिर्भू॑त्व॒स्मे
iḻāmagne purudaṃsaṃ saniṃ goḥ śaśvattamaṃ havamānāya sādha |
syānnaḥ sūnustanayo vijāvāgne sā te sumatirbhūtvasme
Text source: Wikisource · CC BY-SA 4.0 (Wikisource transcription of a public-domain text)