अ॒यम॒ग्निः सु॒वीर्य॒स्येशे॑ म॒हः सौभ॑गस्य ।
रा॒य ई॑शे स्वप॒त्यस्य॒ गोम॑त॒ ईशे॑ वृत्र॒हथा॑नाम्
ayamagniḥ suvīryasyeśe mahaḥ saubhagasya |
rāya īśe svapatyasya gomata īśe vṛtrahathānām
Mandala 3
Sukta 16: Agni, lord of heroes and good fortune
Rishi: कात्य उत्कीलः · Devata: अग्निः · Metre: प्रगाथः - (१,३,५ बृहती, २,४,६ सतोबृहती)
6 verses · 16 of 62
What happens in this chapter
Agni, lord of heroes and good fortune
Utkila Katya's hymn to Agni in pragatha stanzas, brihati with satobrihati. Agni is lord of heroic strength and great good fortune, of wealth with fine offspring and cattle, and of Vritra-slaying victories. The Maruts are asked to stand by him, in whom are riches that bring joy, and who overcomes the malicious in battle. The rishi asks Agni not to deliver them to poverty of mind, to want of heroes or of cattle, nor to the reviler, and to remove hostility. He prays for great strength with offspring at the rite and for abundant, joyful, glorious wealth.
इ॒मं न॑रो मरुतः सश्चता॒ वृधं॒ यस्मि॒न्राय॒ः शेवृ॑धासः ।
अ॒भि ये सन्ति॒ पृत॑नासु दू॒ढ्यो॑ वि॒श्वाहा॒ शत्रु॑माद॒भुः
imaṃ naro marutaḥ saścatā vṛdhaṃ yasminrāyaḥ śevṛdhāsaḥ |
abhi ye santi pṛtanāsu dūḍhyo viśvāhā śatrumādabhuḥ
स त्वं नो॑ रा॒यः शि॑शीहि॒ मीढ्वो॑ अग्ने सु॒वीर्य॑स्य ।
तुवि॑द्युम्न॒ वर्षि॑ष्ठस्य प्र॒जाव॑तोऽनमी॒वस्य॑ शु॒ष्मिण॑ः
sa tvaṃ no rāyaḥ śiśīhi mīḍhvo agne suvīryasya |
tuvidyumna varṣiṣṭhasya prajāvato'namīvasya śuṣmiṇaḥ
चक्रि॒र्यो विश्वा॒ भुव॑ना॒भि सा॑स॒हिश्चक्रि॑र्दे॒वेष्वा दुव॑ः ।
आ दे॒वेषु॒ यत॑त॒ आ सु॒वीर्य॒ आ शंस॑ उ॒त नृ॒णाम्
cakriryo viśvā bhuvanābhi sāsahiścakrirdeveṣvā duvaḥ |
ā deveṣu yatata ā suvīrya ā śaṃsa uta nṛṇām
मा नो॑ अ॒ग्नेऽम॑तये॒ मावीर॑तायै रीरधः ।
मागोता॑यै सहसस्पुत्र॒ मा नि॒देऽप॒ द्वेषां॒स्या कृ॑धि
mā no agne'mataye māvīratāyai rīradhaḥ |
māgotāyai sahasasputra mā nide'pa dveṣāṃsyā kṛdhi
श॒ग्धि वाज॑स्य सुभग प्र॒जाव॒तोऽग्ने॑ बृह॒तो अ॑ध्व॒रे ।
सं रा॒या भूय॑सा सृज मयो॒भुना॒ तुवि॑द्युम्न॒ यश॑स्वता
śagdhi vājasya subhaga prajāvato'gne bṛhato adhvare |
saṃ rāyā bhūyasā sṛja mayobhunā tuvidyumna yaśasvatā
Text source: Wikisource · CC BY-SA 4.0 (Wikisource transcription of a public-domain text)