प्र वो॑ दे॒वाया॒ग्नये॒ बर्हि॑ष्ठमर्चास्मै ।
गम॑द्दे॒वेभि॒रा स नो॒ यजि॑ष्ठो ब॒र्हिरा स॑दत्
pra vo devāyāgnaye barhiṣṭhamarcāsmai |
gamaddevebhirā sa no yajiṣṭho barhirā sadat
Mandala 3
Sukta 13: Rishabha's call to the giving Agni
Rishi: ऋषभो वैश्वामित्रः · Devata: अग्निः · Metre: अनुष्टुप्
7 verses · 13 of 62
What happens in this chapter
Rishabha's call to the giving Agni
Rishabha, son of Vishvamitra, sings seven anushtubh verses to Agni. He asks the people to sing to the deva Agni so that he comes with the devas, the best of sacrificers, and sits on the barhis. Heaven and earth follow his skill; those with offerings call him for protection. He is the guide of the inspired and of the sacrifices, the giver and winner of bounty. The rishi prays for shelter that pours wealth from heaven and the waters, for nearness in the prayers, and for wealth in thousands with sons, growth and lasting heroic strength.
ऋ॒तावा॒ यस्य॒ रोद॑सी॒ दक्षं॒ सच॑न्त ऊ॒तय॑ः ।
ह॒विष्म॑न्त॒स्तमी॑ळते॒ तं स॑नि॒ष्यन्तोऽव॑से
ṛtāvā yasya rodasī dakṣaṃ sacanta ūtayaḥ |
haviṣmantastamīḻate taṃ saniṣyanto'vase
स य॒न्ता विप्र॑ एषां॒ स य॒ज्ञाना॒मथा॒ हि षः ।
अ॒ग्निं तं वो॑ दुवस्यत॒ दाता॒ यो वनि॑ता म॒घम्
sa yantā vipra eṣāṃ sa yajñānāmathā hi ṣaḥ |
agniṃ taṃ vo duvasyata dātā yo vanitā magham
स न॒ः शर्मा॑णि वी॒तये॒ऽग्निर्य॑च्छतु॒ शंत॑मा ।
यतो॑ नः प्रु॒ष्णव॒द्वसु॑ दि॒वि क्षि॒तिभ्यो॑ अ॒प्स्वा
sa naḥ śarmāṇi vītaye'gniryacchatu śaṃtamā |
yato naḥ pruṣṇavadvasu divi kṣitibhyo apsvā
दी॒दि॒वांस॒मपू॑र्व्यं॒ वस्वी॑भिरस्य धी॒तिभि॑ः ।
ऋक्वा॑णो अ॒ग्निमि॑न्धते॒ होता॑रं वि॒श्पतिं॑ वि॒शाम्
dīdivāṃsamapūrvyaṃ vasvībhirasya dhītibhiḥ |
ṛkvāṇo agnimindhate hotāraṃ viśpatiṃ viśām
उ॒त नो॒ ब्रह्म॑न्नविष उ॒क्थेषु॑ देव॒हूत॑मः ।
शं न॑ः शोचा म॒रुद्वृ॒धोऽग्ने॑ सहस्र॒सात॑मः
uta no brahmannaviṣa uktheṣu devahūtamaḥ |
śaṃ naḥ śocā marudvṛdho'gne sahasrasātamaḥ
नू नो॑ रास्व स॒हस्र॑वत्तो॒कव॑त्पुष्टि॒मद्वसु॑ ।
द्यु॒मद॑ग्ने सु॒वीर्यं॒ वर्षि॑ष्ठ॒मनु॑पक्षितम्
nū no rāsva sahasravattokavatpuṣṭimadvasu |
dyumadagne suvīryaṃ varṣiṣṭhamanupakṣitam
Text source: Wikisource · CC BY-SA 4.0 (Wikisource transcription of a public-domain text)