भ॒द्रं नो॒ अपि॑ वातय॒ मन॑ः
bhadraṃ no api vātaya manaḥ
Mandala 10
Sukta 20: Bhadram no api: Agni praised
Rishi: ऐन्द्रो विमदः, प्राजापत्यो वा,वासुक्रो वसुकृद्वा · Devata: अग्निः · Metre: गायत्री, १ एकपदा विराट्(एष मन्त्रः शान्त्यर्थं), २ अनुष्टुप्, ९ विराट्, १० त्रिष्टुप्
10 verses · 20 of 191
What happens in this chapter
Bhadram no api: Agni praised
This hymn to Agni is by Vimada Aindra, or Prajapatya, or Vasukra; it opens with a single-line shanti mantra: stir up for us an auspicious mind. Agni is praised as youngest of those who feed, the friend hard to restrain, under whose law the streams serve the mother's udder. Men honour him with the mouth, the light-bannered one. He goes as the path of the clans and reaches the ends of heaven. Agni is called the son of the rock. His track is black, white and red, and his father begot him golden. Vimada closes by offering this thought to Agni, asking for food, strength and a good dwelling.
अ॒ग्निमी॑ळे भु॒जां यवि॑ष्ठं शा॒सा मि॒त्रं दु॒र्धरी॑तुम् ।
यस्य॒ धर्म॒न्स्व१॒॑रेनी॑ः सप॒र्यन्ति॑ मा॒तुरूध॑ः
agnimīḻe bhujāṃ yaviṣṭhaṃ śāsā mitraṃ durdharītum |
yasya dharmansvarenīḥ saparyanti māturūdhaḥ
यमा॒सा कृ॒पनी॑ळं भा॒साके॑तुं व॒र्धय॑न्ति ।
भ्राज॑ते॒ श्रेणि॑दन्
yamāsā kṛpanīḻaṃ bhāsāketuṃ vardhayanti |
bhrājate śreṇidan
अ॒र्यो वि॒शां गा॒तुरे॑ति॒ प्र यदान॑ड्दि॒वो अन्ता॑न् ।
क॒विर॒भ्रं दीद्या॑नः
aryo viśāṃ gātureti pra yadānaḍdivo antān |
kavirabhraṃ dīdyānaḥ
जु॒षद्ध॒व्या मानु॑षस्यो॒र्ध्वस्त॑स्था॒वृभ्वा॑ य॒ज्ञे ।
मि॒न्वन्सद्म॑ पु॒र ए॑ति
juṣaddhavyā mānuṣasyordhvastasthāvṛbhvā yajñe |
minvansadma pura eti
स हि क्षेमो॑ ह॒विर्य॒ज्ञः श्रु॒ष्टीद॑स्य गा॒तुरे॑ति ।
अ॒ग्निं दे॒वा वाशी॑मन्तम्
sa hi kṣemo haviryajñaḥ śruṣṭīdasya gātureti |
agniṃ devā vāśīmantam
य॒ज्ञा॒साहं॒ दुव॑ इषे॒ऽग्निं पूर्व॑स्य॒ शेव॑स्य ।
अद्रे॑ः सू॒नुमा॒युमा॑हुः
yajñāsāhaṃ duva iṣe'gniṃ pūrvasya śevasya |
adreḥ sūnumāyumāhuḥ
नरो॒ ये के चा॒स्मदा विश्वेत्ते वा॒म आ स्यु॑ः ।
अ॒ग्निं ह॒विषा॒ वर्ध॑न्तः
naro ye ke cāsmadā viśvette vāma ā syuḥ |
agniṃ haviṣā vardhantaḥ
कृ॒ष्णः श्वे॒तो॑ऽरु॒षो यामो॑ अस्य ब्र॒ध्न ऋ॒ज्र उ॒त शोणो॒ यश॑स्वान् ।
हिर॑ण्यरूपं॒ जनि॑ता जजान
kṛṣṇaḥ śveto'ruṣo yāmo asya bradhna ṛjra uta śoṇo yaśasvān |
hiraṇyarūpaṃ janitā jajāna
ए॒वा ते॑ अग्ने विम॒दो म॑नी॒षामूर्जो॑ नपाद॒मृते॑भिः स॒जोषा॑ः ।
गिर॒ आ व॑क्षत्सुम॒तीरि॑या॒न इष॒मूर्जं॑ सुक्षि॒तिं विश्व॒माभा॑ः
evā te agne vimado manīṣāmūrjo napādamṛtebhiḥ sajoṣāḥ |
gira ā vakṣatsumatīriyāna iṣamūrjaṃ sukṣitiṃ viśvamābhāḥ
Text source: Wikisource · CC BY-SA 4.0 (Wikisource transcription of a public-domain text)