Rishi: अनिलो वातायनः · Devata: वायुः · Metre: त्रिष्टुप्
4 verses · 168 of 191
Anila Vatayana sings Vata, the wind, in trishtubh. Now the greatness of Vata's chariot: it goes breaking, thundering is its roar; touching heaven it goes, making things red,. The gusts rush after him and come to him like women to a gathering; with them the deva goes on one chariot, king of this whole world. Friend of the waters, first-born, keeper of rta: where was he born, from where did he come? Breath of the devas, germ of the world, he moves as he wills. His sounds are heard, his form is not seen. To that Vata we offer.
वात॑स्य॒ नु म॑हि॒मानं॒ रथ॑स्य रु॒जन्ने॑ति स्त॒नय॑न्नस्य॒ घोष॑ः ।
दि॒वि॒स्पृग्या॑त्यरु॒णानि॑ कृ॒ण्वन्नु॒तो ए॑ति पृथि॒व्या रे॒णुमस्य॑न्
vātasya nu mahimānaṃ rathasya rujanneti stanayannasya ghoṣaḥ |
divispṛgyātyaruṇāni kṛṇvannuto eti pṛthivyā reṇumasyan
सं प्रेर॑ते॒ अनु॒ वात॑स्य वि॒ष्ठा ऐनं॑ गच्छन्ति॒ सम॑नं॒ न योषा॑ः ।
ताभि॑ः स॒युक्स॒रथं॑ दे॒व ई॑यते॒ऽस्य विश्व॑स्य॒ भुव॑नस्य॒ राजा॑
saṃ prerate anu vātasya viṣṭhā ainaṃ gacchanti samanaṃ na yoṣāḥ |
tābhiḥ sayuksarathaṃ deva īyate'sya viśvasya bhuvanasya rājā
अ॒न्तरि॑क्षे प॒थिभि॒रीय॑मानो॒ न नि वि॑शते कत॒मच्च॒नाह॑ः ।
अ॒पां सखा॑ प्रथम॒जा ऋ॒तावा॒ क्व॑ स्विज्जा॒तः कुत॒ आ ब॑भूव
antarikṣe pathibhirīyamāno na ni viśate katamaccanāhaḥ |
apāṃ sakhā prathamajā ṛtāvā kva svijjātaḥ kuta ā babhūva
आ॒त्मा दे॒वानां॒ भुव॑नस्य॒ गर्भो॑ यथाव॒शं च॑रति दे॒व ए॒षः ।
घोषा॒ इद॑स्य शृण्विरे॒ न रू॒पं तस्मै॒ वाता॑य ह॒विषा॑ विधेम
ātmā devānāṃ bhuvanasya garbho yathāvaśaṃ carati deva eṣaḥ |
ghoṣā idasya śṛṇvire na rūpaṃ tasmai vātāya haviṣā vidhema
Text source: Wikisource · CC BY-SA 4.0 (Wikisource transcription of a public-domain text)
