अ॒क्षीभ्यां॑ ते॒ नासि॑काभ्यां॒ कर्णा॑भ्यां॒ छुबु॑का॒दधि॑ ।
यक्ष्मं॑ शीर्ष॒ण्यं॑ म॒स्तिष्का॑ज्जि॒ह्वाया॒ वि वृ॑हामि ते
akṣībhyāṃ te nāsikābhyāṃ karṇābhyāṃ chubukādadhi |
yakṣmaṃ śīrṣaṇyaṃ mastiṣkājjihvāyā vi vṛhāmi te
Mandala 10
Sukta 163: Drawing sickness out of every limb
Rishi: विवृहा काश्यपः · Devata: यक्ष्मनाशनम् · Metre: अनुष्टुप्
6 verses · 163 of 191
What happens in this chapter
Drawing sickness out of every limb
Vivriha Kashyapa speaks against yakshma, sickness, in anushtubh, and his name means the one who tears out. Verse by verse he draws the disease out of the body: from the eyes, nostrils, ears and chin, from the head, brain and tongue; from the neck, sinews, spine and shoulders and arms; from the bowels, heart, liver and kidneys; from thighs, knees, heels and hips; from hair and nails. The last two verses gather it all: the sickness born in every limb, in every hair, in every joint, I tear out from your whole self. It is a healer's mantra, spoken over the sick.
ग्री॒वाभ्य॑स्त उ॒ष्णिहा॑भ्य॒ः कीक॑साभ्यो अनू॒क्या॑त् ।
यक्ष्मं॑ दोष॒ण्य१॒॑मंसा॑भ्यां बा॒हुभ्यां॒ वि वृ॑हामि ते
grīvābhyasta uṣṇihābhyaḥ kīkasābhyo anūkyāt |
yakṣmaṃ doṣaṇyamaṃsābhyāṃ bāhubhyāṃ vi vṛhāmi te
आ॒न्त्रेभ्य॑स्ते॒ गुदा॑भ्यो वनि॒ष्ठोर्हृद॑या॒दधि॑ ।
यक्ष्मं॒ मत॑स्नाभ्यां य॒क्नः प्ला॒शिभ्यो॒ वि वृ॑हामि ते
āntrebhyaste gudābhyo vaniṣṭhorhṛdayādadhi |
yakṣmaṃ matasnābhyāṃ yaknaḥ plāśibhyo vi vṛhāmi te
ऊ॒रुभ्यां॑ ते अष्ठी॒वद्भ्यां॒ पार्ष्णि॑भ्यां॒ प्रप॑दाभ्याम् ।
यक्ष्मं॒ श्रोणि॑भ्यां॒ भास॑दा॒द्भंस॑सो॒ वि वृ॑हामि ते
ūrubhyāṃ te aṣṭhīvadbhyāṃ pārṣṇibhyāṃ prapadābhyām |
yakṣmaṃ śroṇibhyāṃ bhāsadādbhaṃsaso vi vṛhāmi te
मेह॑नाद्वनं॒कर॑णा॒ल्लोम॑भ्यस्ते न॒खेभ्य॑ः ।
यक्ष्मं॒ सर्व॑स्मादा॒त्मन॒स्तमि॒दं वि वृ॑हामि ते
mehanādvanaṃkaraṇāllomabhyaste nakhebhyaḥ |
yakṣmaṃ sarvasmādātmanastamidaṃ vi vṛhāmi te
अङ्गा॑दङ्गा॒ल्लोम्नो॑लोम्नो जा॒तं पर्व॑णिपर्वणि ।
यक्ष्मं॒ सर्व॑स्मादा॒त्मन॒स्तमि॒दं वि वृ॑हामि ते
aṅgādaṅgāllomnolomno jātaṃ parvaṇiparvaṇi |
yakṣmaṃ sarvasmādātmanastamidaṃ vi vṛhāmi te
Text source: Wikisource · CC BY-SA 4.0 (Wikisource transcription of a public-domain text)