Rishi: प्राजापत्यो यक्ष्मनाशनः · Devata: इन्द्राग्नी, राजयक्ष्मघ्नं वा · Metre: त्रिष्टुप्, ५ अनुष्टुप्
5 verses · 161 of 191
Prajapatya Yakshmanashana addresses Indra and Agni, against rajayakshma, the wasting disease. By this offering I free you to live, from the unknown sickness and from rajayakshma; if the seizer has seized him, Indra and Agni, release him. If his life has waned, if he has gone beyond, if he is led to death's very side, I bring him back from the lap of Nirriti; I have won him for a hundred autumns. Live a hundred autumns, growing, a hundred winters and a hundred springs. I have brought you back, you have come again, renewed; whole of limb, I have found your sight and your full life.
मु॒ञ्चामि॑ त्वा ह॒विषा॒ जीव॑नाय॒ कम॑ज्ञातय॒क्ष्मादु॒त रा॑जय॒क्ष्मात् ।
ग्राहि॑र्ज॒ग्राह॒ यदि॑ वै॒तदे॑नं॒ तस्या॑ इन्द्राग्नी॒ प्र मु॑मुक्तमेनम्
muñcāmi tvā haviṣā jīvanāya kamajñātayakṣmāduta rājayakṣmāt |
grāhirjagrāha yadi vaitadenaṃ tasyā indrāgnī pra mumuktamenam
यदि॑ क्षि॒तायु॒र्यदि॑ वा॒ परे॑तो॒ यदि॑ मृ॒त्योर॑न्ति॒कं नी॑त ए॒व ।
तमा ह॑रामि॒ निरृ॑तेरु॒पस्था॒दस्पा॑र्षमेनं श॒तशा॑रदाय
yadi kṣitāyuryadi vā pareto yadi mṛtyorantikaṃ nīta eva |
tamā harāmi nirṛterupasthādaspārṣamenaṃ śataśāradāya
स॒ह॒स्रा॒क्षेण॑ श॒तशा॑रदेन श॒तायु॑षा ह॒विषाहा॑र्षमेनम् ।
श॒तं यथे॒मं श॒रदो॒ नया॒तीन्द्रो॒ विश्व॑स्य दुरि॒तस्य॑ पा॒रम्
sahasrākṣeṇa śataśāradena śatāyuṣā haviṣāhārṣamenam |
śataṃ yathemaṃ śarado nayātīndro viśvasya duritasya pāram
श॒तं जी॑व श॒रदो॒ वर्ध॑मानः श॒तं हे॑म॒न्ताञ्छ॒तमु॑ वस॒न्तान् ।
श॒तमि॑न्द्रा॒ग्नी स॑वि॒ता बृह॒स्पति॑ः श॒तायु॑षा ह॒विषे॒मं पुन॑र्दुः
śataṃ jīva śarado vardhamānaḥ śataṃ hemantāñchatamu vasantān |
śatamindrāgnī savitā bṛhaspatiḥ śatāyuṣā haviṣemaṃ punarduḥ
आहा॑र्षं॒ त्वावि॑दं त्वा॒ पुन॒रागा॑ः पुनर्नव ।
सर्वा॑ङ्ग॒ सर्वं॑ ते॒ चक्षु॒ः सर्व॒मायु॑श्च तेऽविदम्
āhārṣaṃ tvāvidaṃ tvā punarāgāḥ punarnava |
sarvāṅga sarvaṃ te cakṣuḥ sarvamāyuśca te'vidam
Text source: Wikisource · CC BY-SA 4.0 (Wikisource transcription of a public-domain text)
