यस्मि॑न्वृ॒क्षे सु॑पला॒शे दे॒वैः स॒म्पिब॑ते य॒मः ।
अत्रा॑ नो वि॒श्पति॑ः पि॒ता पु॑रा॒णाँ अनु॑ वेनति
yasminvṛkṣe supalāśe devaiḥ sampibate yamaḥ |
atrā no viśpatiḥ pitā purāṇām̐ anu venati
Mandala 10
Sukta 135: Kumara and Yama's tree
Rishi: कुमारो यामायनः · Devata: यमः · Metre: अनुष्टुप्
7 verses · 135 of 191
What happens in this chapter
Kumara and Yama's tree
Kumara Yamayana addresses Yama in anushtubh. In the tree of fair leaves where Yama drinks with the Devas, our father, lord of the house, longs for the ancients. The boy saw him going that way and, though at first grudging, longed for him again. "Boy, the new chariot without wheels that you made with your mind, one-poled and facing every way, you mount without seeing." The Saman rolled after the chariot the boy set going. Who begot the boy, who turned the chariot? The last verse: this is Yama's seat, called the dwelling of the Devas; here his flute is blown, here he is adorned with songs.
पु॒रा॒णाँ अ॑नु॒वेन॑न्तं॒ चर॑न्तं पा॒पया॑मु॒या ।
अ॒सू॒यन्न॒भ्य॑चाकशं॒ तस्मा॑ अस्पृहयं॒ पुन॑ः
purāṇām̐ anuvenantaṃ carantaṃ pāpayāmuyā |
asūyannabhyacākaśaṃ tasmā aspṛhayaṃ punaḥ
यं कु॑मार॒ नवं॒ रथ॑मच॒क्रं मन॒साकृ॑णोः ।
एके॑षं वि॒श्वत॒ः प्राञ्च॒मप॑श्य॒न्नधि॑ तिष्ठसि
yaṃ kumāra navaṃ rathamacakraṃ manasākṛṇoḥ |
ekeṣaṃ viśvataḥ prāñcamapaśyannadhi tiṣṭhasi
यं कु॑मार॒ प्राव॑र्तयो॒ रथं॒ विप्रे॑भ्य॒स्परि॑ ।
तं सामानु॒ प्राव॑र्तत॒ समि॒तो ना॒व्याहि॑तम्
yaṃ kumāra prāvartayo rathaṃ viprebhyaspari |
taṃ sāmānu prāvartata samito nāvyāhitam
कः कु॑मा॒रम॑जनय॒द्रथं॒ को निर॑वर्तयत् ।
कः स्वि॒त्तद॒द्य नो॑ ब्रूयादनु॒देयी॒ यथाभ॑वत्
kaḥ kumāramajanayadrathaṃ ko niravartayat |
kaḥ svittadadya no brūyādanudeyī yathābhavat
यथाभ॑वदनु॒देयी॒ ततो॒ अग्र॑मजायत ।
पु॒रस्ता॑द्बु॒ध्न आत॑तः प॒श्चान्नि॒रय॑णं कृ॒तम्
yathābhavadanudeyī tato agramajāyata |
purastādbudhna ātataḥ paścānnirayaṇaṃ kṛtam
इ॒दं य॒मस्य॒ साद॑नं देवमा॒नं यदु॒च्यते॑ ।
इ॒यम॑स्य धम्यते ना॒ळीर॒यं गी॒र्भिः परि॑ष्कृतः
idaṃ yamasya sādanaṃ devamānaṃ yaducyate |
iyamasya dhamyate nāḻīrayaṃ gīrbhiḥ pariṣkṛtaḥ
Text source: Wikisource · CC BY-SA 4.0 (Wikisource transcription of a public-domain text)