अग्ने॒ हंसि॒ न्य१॒॑त्रिणं॒ दीद्य॒न्मर्त्ये॒ष्वा ।
स्वे क्षये॑ शुचिव्रत
agne haṃsi nyatriṇaṃ dīdyanmartyeṣvā |
sve kṣaye śucivrata
Mandala 10
Sukta 118: Agni who burns the rakshasas
Rishi: उरुक्षय आमहीयवः · Devata: रक्षोहाऽग्निः · Metre: गायत्री
9 verses · 118 of 191
What happens in this chapter
Agni who burns the rakshasas
Urukshaya Amahiyava praises Agni as slayer of rakshasas in gayatri. Shining among mortals in his own dwelling, pure in vow, Agni strikes down the devourer. He rises when offered, delights in the ghee as the ladles come together, and his face is anointed with honey-sweet ghee. Mortals call on him, the immortal, undeceivable master of the house. With his flame he is asked to burn the rakshasas and to scorch the sorceresses, shining as guardian of Rita. The Urukshayas, people of wide dwellings, have kindled him with hymns as the best offerer among men.
उत्ति॑ष्ठसि॒ स्वा॑हुतो घृ॒तानि॒ प्रति॑ मोदसे ।
यत्त्वा॒ स्रुच॑ः स॒मस्थि॑रन्
uttiṣṭhasi svāhuto ghṛtāni prati modase |
yattvā srucaḥ samasthiran
स आहु॑तो॒ वि रो॑चते॒ऽग्निरी॒ळेन्यो॑ गि॒रा ।
स्रु॒चा प्रती॑कमज्यते
sa āhuto vi rocate'gnirīḻenyo girā |
srucā pratīkamajyate
घृ॒तेना॒ग्निः सम॑ज्यते॒ मधु॑प्रतीक॒ आहु॑तः ।
रोच॑मानो वि॒भाव॑सुः
ghṛtenāgniḥ samajyate madhupratīka āhutaḥ |
rocamāno vibhāvasuḥ
जर॑माण॒ः समि॑ध्यसे दे॒वेभ्यो॑ हव्यवाहन ।
तं त्वा॑ हवन्त॒ मर्त्या॑ः
jaramāṇaḥ samidhyase devebhyo havyavāhana |
taṃ tvā havanta martyāḥ
तं म॑र्ता॒ अम॑र्त्यं घृ॒तेना॒ग्निं स॑पर्यत ।
अदा॑भ्यं गृ॒हप॑तिम्
taṃ martā amartyaṃ ghṛtenāgniṃ saparyata |
adābhyaṃ gṛhapatim
अदा॑भ्येन शो॒चिषाग्ने॒ रक्ष॒स्त्वं द॑ह ।
गो॒पा ऋ॒तस्य॑ दीदिहि
adābhyena śociṣāgne rakṣastvaṃ daha |
gopā ṛtasya dīdihi
स त्वम॑ग्ने॒ प्रती॑केन॒ प्रत्यो॑ष यातुधा॒न्य॑ः ।
उ॒रु॒क्षये॑षु॒ दीद्य॑त्
sa tvamagne pratīkena pratyoṣa yātudhānyaḥ |
urukṣayeṣu dīdyat
तं त्वा॑ गी॒र्भिरु॑रु॒क्षया॑ हव्य॒वाहं॒ समी॑धिरे ।
यजि॑ष्ठं॒ मानु॑षे॒ जने॑
taṃ tvā gīrbhirurukṣayā havyavāhaṃ samīdhire |
yajiṣṭhaṃ mānuṣe jane
Text source: Wikisource · CC BY-SA 4.0 (Wikisource transcription of a public-domain text)