इति॒ वा इति॑ मे॒ मनो॒ गामश्वं॑ सनुया॒मिति॑ ।
कु॒वित्सोम॒स्यापा॒मिति॑
iti vā iti me mano gāmaśvaṃ sanuyāmiti |
kuvitsomasyāpāmiti
Mandala 10
Sukta 119: Have I not drunk the Soma?
Rishi: ऐन्द्रो लबः · Devata: आत्मा (इन्द्रः) · Metre: गायत्री
13 verses · 119 of 191
What happens in this chapter
Have I not drunk the Soma?
Laba Aindra speaks in gayatri; the anukramani names the devata as the Self, Indra speaking of himself. Every verse ends: have I not drunk of the Soma? The drinks have lifted me like winds, like swift horses lifting a chariot. Thought comes to me as a lowing cow to her calf. The five peoples seem no more than a mote in my eye. Heaven and earth do not equal one of my wings. I could set this earth here or there. One wing is in heaven, the other I have dragged below. I am the great of the great, and I go, adorned, bearing the oblation to the Devas.
प्र वाता॑ इव॒ दोध॑त॒ उन्मा॑ पी॒ता अ॑यंसत ।
कु॒वित्सोम॒स्यापा॒मिति॑
pra vātā iva dodhata unmā pītā ayaṃsata |
kuvitsomasyāpāmiti
उन्मा॑ पी॒ता अ॑यंसत॒ रथ॒मश्वा॑ इवा॒शव॑ः ।
कु॒वित्सोम॒स्यापा॒मिति॑
unmā pītā ayaṃsata rathamaśvā ivāśavaḥ |
kuvitsomasyāpāmiti
उप॑ मा म॒तिर॑स्थित वा॒श्रा पु॒त्रमि॑व प्रि॒यम् ।
कु॒वित्सोम॒स्यापा॒मिति॑
upa mā matirasthita vāśrā putramiva priyam |
kuvitsomasyāpāmiti
अ॒हं तष्टे॑व व॒न्धुरं॒ पर्य॑चामि हृ॒दा म॒तिम् ।
कु॒वित्सोम॒स्यापा॒मिति॑
ahaṃ taṣṭeva vandhuraṃ paryacāmi hṛdā matim |
kuvitsomasyāpāmiti
न॒हि मे॑ अक्षि॒पच्च॒नाच्छा॑न्त्सु॒ः पञ्च॑ कृ॒ष्टय॑ः ।
कु॒वित्सोम॒स्यापा॒मिति॑
nahi me akṣipaccanācchāntsuḥ pañca kṛṣṭayaḥ |
kuvitsomasyāpāmiti
न॒हि मे॒ रोद॑सी उ॒भे अ॒न्यं प॒क्षं च॒न प्रति॑ ।
कु॒वित्सोम॒स्यापा॒मिति॑
nahi me rodasī ubhe anyaṃ pakṣaṃ cana prati |
kuvitsomasyāpāmiti
अ॒भि द्यां म॑हि॒ना भु॑वम॒भी॒३॒॑मां पृ॑थि॒वीं म॒हीम् ।
कु॒वित्सोम॒स्यापा॒मिति॑
abhi dyāṃ mahinā bhuvamabhīmāṃ pṛthivīṃ mahīm |
kuvitsomasyāpāmiti
हन्ता॒हं पृ॑थि॒वीमि॒मां नि द॑धानी॒ह वे॒ह वा॑ ।
कु॒वित्सोम॒स्यापा॒मिति॑
hantāhaṃ pṛthivīmimāṃ ni dadhānīha veha vā |
kuvitsomasyāpāmiti
ओ॒षमित्पृ॑थि॒वीम॒हं ज॒ङ्घना॑नी॒ह वे॒ह वा॑ ।
कु॒वित्सोम॒स्यापा॒मिति॑
oṣamitpṛthivīmahaṃ jaṅghanānīha veha vā |
kuvitsomasyāpāmiti
दि॒वि मे॑ अ॒न्यः प॒क्षो॒३॒॑ऽधो अ॒न्यम॑चीकृषम् ।
कु॒वित्सोम॒स्यापा॒मिति॑
divi me anyaḥ pakṣo'dho anyamacīkṛṣam |
kuvitsomasyāpāmiti
अ॒हम॑स्मि महाम॒हो॑ऽभिन॒भ्यमुदी॑षितः ।
कु॒वित्सोम॒स्यापा॒मिति॑
ahamasmi mahāmaho'bhinabhyamudīṣitaḥ |
kuvitsomasyāpāmiti
गृ॒हो या॒म्यरं॑कृतो दे॒वेभ्यो॑ हव्य॒वाह॑नः ।
कु॒वित्सोम॒स्यापा॒मिति॑
gṛho yāmyaraṃkṛto devebhyo havyavāhanaḥ |
kuvitsomasyāpāmiti
Text source: Wikisource · CC BY-SA 4.0 (Wikisource transcription of a public-domain text)