वै॒श्वा॒न॒रस्य॑ सुम॒तौ स्या॑म॒ राजा॒ हि कं॒ भुव॑नानामभि॒श्रीः ।
इ॒तो जा॒तो विश्व॑मि॒दं वि च॑ष्टे वैश्वान॒रो य॑तते॒ सूर्ये॑ण
vaiśvānarasya sumatau syāma rājā hi kaṃ bhuvanānāmabhiśrīḥ |
ito jāto viśvamidaṃ vi caṣṭe vaiśvānaro yatate sūryeṇa
Mandala 1
Sukta 98: In the favour of Vaishvanara
Rishi: कुत्स आङ्गिरसः · Devata: अग्निः, वैश्वानरोऽग्निर्वा · Metre: त्रिष्टुप्
3 verses · 98 of 191
What happens in this chapter
In the favour of Vaishvanara
May we stay in the favour of Vaishvanara, king and glory of the worlds. Kutsa Angirasa praises Agni Vaishvanara, the fire common to all men, in three trishtubh verses. Born here, he surveys the whole world and strives alongside the sun. He is sought in heaven and on earth, he has entered every plant, and the rishi asks him to guard us from harm by day and by night.
पृ॒ष्टो दि॒वि पृ॒ष्टो अ॒ग्निः पृ॑थि॒व्यां पृ॒ष्टो विश्वा॒ ओष॑धी॒रा वि॑वेश ।
वै॒श्वा॒न॒रः सह॑सा पृ॒ष्टो अ॒ग्निः स नो॒ दिवा॒ स रि॒षः पा॑तु॒ नक्त॑म्
pṛṣṭo divi pṛṣṭo agniḥ pṛthivyāṃ pṛṣṭo viśvā oṣadhīrā viveśa |
vaiśvānaraḥ sahasā pṛṣṭo agniḥ sa no divā sa riṣaḥ pātu naktam
वैश्वा॑नर॒ तव॒ तत्स॒त्यम॑स्त्व॒स्मान्रायो॑ म॒घवा॑नः सचन्ताम् ।
तन्नो॑ मि॒त्रो वरु॑णो मामहन्ता॒मदि॑ति॒ः सिन्धु॑ः पृथि॒वी उ॒त द्यौः
vaiśvānara tava tatsatyamastvasmānrāyo maghavānaḥ sacantām |
tanno mitro varuṇo māmahantāmaditiḥ sindhuḥ pṛthivī uta dyauḥ
Text source: Wikisource · CC BY-SA 4.0 (Wikisource transcription of a public-domain text)