अप॑ न॒ः शोशु॑चद॒घमग्ने॑ शुशु॒ग्ध्या र॒यिम् ।
अप॑ न॒ः शोशु॑चद॒घम्
apa naḥ śośucadaghamagne śuśugdhyā rayim |
apa naḥ śośucadagham
Mandala 1
Sukta 97: Apa naḥ śośucad agham: burn away our sin
Rishi: कुत्स आङ्गिरसः · Devata: अग्निः, शुचिरग्निर्वा · Metre: गायत्री
8 verses · 97 of 191
What happens in this chapter
Apa naḥ śośucad agham: burn away our sin
Apa naḥ śośucad agham, may our sin be burnt away: Kutsa Angirasa repeats this line in all eight gayatri verses to Agni, Agni the pure. It is a well-loved prayer for cleansing, recited at havan and in daily worship. The rishi asks Agni to blaze wealth toward us; we worship for good fields, a good road and riches. Agni's rays go out on every side; he faces every way and surrounds all. The closing image: carry us across our enemies as in a boat, as across a river, to well-being.
सु॒क्षे॒त्रि॒या सु॑गातु॒या व॑सू॒या च॑ यजामहे ।
अप॑ न॒ः शोशु॑चद॒घम्
sukṣetriyā sugātuyā vasūyā ca yajāmahe |
apa naḥ śośucadagham
प्र यद्भन्दि॑ष्ठ एषां॒ प्रास्माका॑सश्च सू॒रय॑ः ।
अप॑ न॒ः शोशु॑चद॒घम्
pra yadbhandiṣṭha eṣāṃ prāsmākāsaśca sūrayaḥ |
apa naḥ śośucadagham
प्र यत्ते॑ अग्ने सू॒रयो॒ जाये॑महि॒ प्र ते॑ व॒यम् ।
अप॑ न॒ः शोशु॑चद॒घम्
pra yatte agne sūrayo jāyemahi pra te vayam |
apa naḥ śośucadagham
प्र यद॒ग्नेः सह॑स्वतो वि॒श्वतो॒ यन्ति॑ भा॒नव॑ः ।
अप॑ न॒ः शोशु॑चद॒घम्
pra yadagneḥ sahasvato viśvato yanti bhānavaḥ |
apa naḥ śośucadagham
त्वं हि वि॑श्वतोमुख वि॒श्वत॑ः परि॒भूरसि॑ ।
अप॑ न॒ः शोशु॑चद॒घम्
tvaṃ hi viśvatomukha viśvataḥ paribhūrasi |
apa naḥ śośucadagham
द्विषो॑ नो विश्वतोमु॒खाति॑ ना॒वेव॑ पारय ।
अप॑ न॒ः शोशु॑चद॒घम्
dviṣo no viśvatomukhāti nāveva pāraya |
apa naḥ śośucadagham
स न॒ः सिन्धु॑मिव ना॒वयाति॑ पर्षा स्व॒स्तये॑ ।
अप॑ न॒ः शोशु॑चद॒घम्
sa naḥ sindhumiva nāvayāti parṣā svastaye |
apa naḥ śośucadagham
Text source: Wikisource · CC BY-SA 4.0 (Wikisource transcription of a public-domain text)