आ वि॒द्युन्म॑द्भिर्मरुतः स्व॒र्कै रथे॑भिर्यात ऋष्टि॒मद्भि॒रश्व॑पर्णैः ।
आ वर्षि॑ष्ठया न इ॒षा वयो॒ न प॑प्तता सुमायाः
ā vidyunmadbhirmarutaḥ svarkai rathebhiryāta ṛṣṭimadbhiraśvaparṇaiḥ |
ā varṣiṣṭhayā na iṣā vayo na paptatā sumāyāḥ
Mandala 1
Sukta 88: Gotama sees the golden-wheeled Maruts
Rishi: गोतमो राहूगणः · Devata: मरुतः · Metre: त्रिष्टुप्, १,६ प्रस्तारपंक्तिः, ५ विराड्रूपा
6 verses · 88 of 191
What happens in this chapter
Gotama sees the golden-wheeled Maruts
Come, Maruts, in chariots full of lightning and song, with spears, winged with horses, and bring us abundant food as birds fly in. Gotama Rahugana praises them in trishtubh and pankti. Their tawny horses speed the chariots; the felly crushes the ground. The Gotamas, making prayer with chants, pushed up the well to drink. Then the rishi tells what he saw: the Maruts racing on golden wheels, with iron tusks, like boars. The sukta ends with the voice of praise that keeps answering them.
ते॑ऽरु॒णेभि॒र्वर॒मा पि॒शङ्गै॑ः शु॒भे कं या॑न्ति रथ॒तूर्भि॒रश्वै॑ः ।
रु॒क्मो न चि॒त्रः स्वधि॑तीवान्प॒व्या रथ॑स्य जङ्घनन्त॒ भूम॑
te'ruṇebhirvaramā piśaṅgaiḥ śubhe kaṃ yānti rathatūrbhiraśvaiḥ |
rukmo na citraḥ svadhitīvānpavyā rathasya jaṅghananta bhūma
श्रि॒ये कं वो॒ अधि॑ त॒नूषु॒ वाशी॑र्मे॒धा वना॒ न कृ॑णवन्त ऊ॒र्ध्वा ।
यु॒ष्मभ्यं॒ कं म॑रुतः सुजातास्तुविद्यु॒म्नासो॑ धनयन्ते॒ अद्रि॑म्
śriye kaṃ vo adhi tanūṣu vāśīrmedhā vanā na kṛṇavanta ūrdhvā |
yuṣmabhyaṃ kaṃ marutaḥ sujātāstuvidyumnāso dhanayante adrim
अहा॑नि॒ गृध्रा॒ः पर्या व॒ आगु॑रि॒मां धियं॑ वार्का॒र्यां च॑ दे॒वीम् ।
ब्रह्म॑ कृ॒ण्वन्तो॒ गोत॑मासो अ॒र्कैरू॒र्ध्वं नु॑नुद्र उत्स॒धिं पिब॑ध्यै
ahāni gṛdhrāḥ paryā va āgurimāṃ dhiyaṃ vārkāryāṃ ca devīm |
brahma kṛṇvanto gotamāso arkairūrdhvaṃ nunudra utsadhiṃ pibadhyai
ए॒तत्त्यन्न योज॑नमचेति स॒स्वर्ह॒ यन्म॑रुतो॒ गोत॑मो वः ।
पश्य॒न्हिर॑ण्यचक्रा॒नयो॑दंष्ट्रान्वि॒धाव॑तो व॒राहू॑न्
etattyanna yojanamaceti sasvarha yanmaruto gotamo vaḥ |
paśyanhiraṇyacakrānayodaṃṣṭrānvidhāvato varāhūn
ए॒षा स्या वो॑ मरुतोऽनुभ॒र्त्री प्रति॑ ष्टोभति वा॒घतो॒ न वाणी॑ ।
अस्तो॑भय॒द्वृथा॑सा॒मनु॑ स्व॒धां गभ॑स्त्योः
eṣā syā vo maruto'nubhartrī prati ṣṭobhati vāghato na vāṇī |
astobhayadvṛthāsāmanu svadhāṃ gabhastyoḥ
Text source: Wikisource · CC BY-SA 4.0 (Wikisource transcription of a public-domain text)