6 verses · 86 of 130
Rama goes on to Bhushundi: hear my own doctrine, plain and true, and worship me alone. This world is born of my maya. All are dear to me, for I made them all, but humans please me most. Among humans the twice-born, among them those who hold the Vedas, among them those who follow Vedic dharma; dearer the renunciant, then the knower, and dearer than the knower the one of realised wisdom. Dearer still is my own servant, who has no refuge or hope but me. No one is as dear to me as my servant. Even Brahma without bhakti is to me like any creature, while a devotee, however low, is dear as life.
अब सुनु परम बिमल मम बानी । सत्य सुगम निगमादि बखानी ॥
निज सिद्धान्त सुनावउँ तोही । सुनि मन धरु सब तजि भजु मोही ॥
aba sunu parama bimala mama bānī | satya sugama nigamādi bakhānī ||
nija siddhānta sunāvaum̐ tohī | suni mana dharu saba taji bhaju mohī ||
मम माया सम्भव संसारा । जीव चराचर विविध प्रकारा ॥
सम मम प्रिय सब सम उपजाये । सब से अधिक मनुज मोहि भाये ॥
mama māyā sambhava saṃsārā | jīva carācara vividha prakārā ||
sama mama priya saba sama upajāye | saba se adhika manuja mohi bhāye ||
तिन्ह महँ द्विज द्विज महँ श्रुतिधारी । तिन्ह महँ निगम-धर्म अनुसारी ॥
तिन्ह महँ प्रिय बिरक्त पुनि ज्ञानी । ज्ञानिहु ते अति प्रिय विज्ञानी ॥
tinha maham̐ dvija dvija maham̐ śrutidhārī | tinha maham̐ nigama-dharma anusārī ||
tinha maham̐ priya birakta puni jñānī | jñānihu te ati priya vijñānī ||
तिन्ह ते पुनि मोहि प्रिय निज दासा । जेहि गति मोरि न दूसरि आसा ॥
पुनि पुनि सत्य कहउँ तोहि पाहीं । मोहि सेवक सम प्रिय कोउ नाहीं ॥
tinha te puni mohi priya nija dāsā | jehi gati mori na dūsari āsā ||
puni puni satya kahaum̐ tohi pāhīṃ | mohi sevaka sama priya kou nāhīṃ ||
भगति हीन बिरञ्चि किन होई । सब जीवहु सम प्रिय मोहि खाई ॥
भगतिवंत अति नीचउ प्रानी । मोहि प्रानप्रिय असि मम बानी ॥
bhagati hīna birañci kina hoī | saba jīvahu sama priya mohi khāī ||
bhagativaṃta ati nīcau prānī | mohi prānapriya asi mama bānī ||
सुचि सुसील सेवक सुमति, प्रिय कहु काहि न लाग ।
श्रुति पुरान कह नीति असि, सावधान सुनु काग ॥
suci susīla sevaka sumati, priya kahu kāhi na lāga |
śruti purāna kaha nīti asi, sāvadhāna sunu kāga ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
